I Used to Spend So Much Time Alone é o terceiro álbum de estudio da banda estadounidense de indie rock Chastity Belt, publicado o 2 de xuño de 2017 a través do selo Hardly Art. O disco foi producido por Matthew Simms. En xeral recibiu boas críticas, destacando moitas o seu contido máis serio que nos seus anteriores lanzamentos, mentres que outras sentían que o material da banda crecera co álbum.
Dous sinxelos precederon ao lanzamento do álbum: o primeiro foi "Different Now", publicado o 8 de marzo, e o segundo foi "Caught in a Lie", aparecido o 7 de abril. Para promover o disco a banda publicou "5am" como sinxelo promocional antes do lanzamento do álbum, e vídeos musicais para as cancións "Different Now", "Used to Spend" e "Stuck". Chastity Belt iniciou unha xira por Norteamérica e Europa para apoiar o traballo. A xira comezou o 1 de xuño de 2017 en Seattle, Washington, e rematou o 18 de outubro na mesma cidade.
Listaxe de cancións Todos os temas producidos por Matthew Simms. Voces de todas as cancións gravadas por Julia Shapiro, agás "Stuck", gravada por Gretchen Grimm.
Notas
Categoría:Álbums de Chastity Belt Categoría:Álbums musicais de 2017 Categoría:Álbums de Hardly Art