Elisa Leonida Zamfirescu, nada en Galați o 10 de novembro de 1887 e finada en Bucarest o 25 de novembro de 1973, foi unha enxeñeira romanesa e unha das primeiras mulleres do mundo en obter un grao.Michallon, Clémence (10 de novembro de 2018) Elisa Leonida Zamfirescu: 5 things you need to know about one of the world's first female engineers. Independent.co.uk Naceu en Romanía mais obtivo o título en Berlín. Durante a primeira guerra mundial dirixiu un hospital en Romanía.
Traxectoria Elisa Zamfirescu naceu en Galați, Romanía o 10 de novembro de 1887. O seu pai, Atanase Leonida, era un oficial, mentres que a súa nai , Matilda Gill, era a filla dun enxeñeiro de ascendencia francesa. O seu irmán, Dimitrie Leonida, tamén foi enxeñeiro.
Despois de acabar o instituto tentou inscribirse no Escola de Pontes e Camiños de Bucarest, pero foi rexeitada debido aos prexuízos sexistas. Marchou a Berlín, e en 1909 inscribiuse na Universidade Técnica de Berlín, en Charlottemburg, onde se graduou en 1912. Tras ser rexeitada, o decano tratou de convencela de que renunciase, citando «os tres K» -kirche, kinder, küche (igrexa, nenos, cociña)- que definían o perfil da muller naquela época. Considerouse que Zamfirescu era a primeira muller enxeñeira do mundo, pero a irlandesa Alice Perry graduouse seis anos antes que Zamfirescu, en 1906.
Carreira De regreso a Romanía, Zamfirescu traballou como asistente no Instituto Xeolóxico de Romanía. Durante a primeira guerra mundial, uniuse á Cruz Vermella e dirixiu un hospital en Mărășești, Romanía. En 1917, o seu hospital recibiu os feridos da batalla de Mărășești entre os exércitos alemán e romanés. Foi unha vitoria para Romanía durante 28 días durante os cales arredor de 12 000 romaneses e máis de 10 000 alemáns resultaron feridos. Durante ese tempo, coñeceu e casou co químico Constantin Zamfirescu, irmán do político e escritor Duiliu Zamfirescu.
Durante a guerra, Zamfirescu regresou ó Instituto Xeolóxico. Liderou diversos laboratorios xeolóxicos e participou en estudos de campo, incluíndo algúns nos que se identificaron novas fontes de carbón, gas natural, cromio, bauxita e cobre. Zamfirescu tamén ensinou física e química.
Notas
Véxase tamén Bibliografía
Categoría:Enxeñeiros Categoría:Nados en 1887 Categoría:Finados en 1973 Categoría:Nados en Galați