O dirham ( درهم ) é a moeda oficial dos Emiratos Árabes Unidos. O seu código ISO 4217 é AED. Está dividido en 100 fils.
Historia A palabra dirham deriva do grego "Drachmae", literalmente “puñado”, a través do latín. Debido a séculos de comercio e uso, o dirham sobreviviu durante o réxime otomán.
O dirham foi introducido nos Emiratos Árabes Unidos o 19 de maio de 1973, para substituír o rial qatarí. O rial circulara en Qatar e Dubai desde 1966, mentres que en Abu Zabi a moeda era o dinar bahrainí. Antes de 1966 en todos os emiratos que formaron a federación circulaba a rupia do Golfo. Durante a transición desta ao rial, adoptaron un tempo o rial saudita.
Moedas En 1973 introducíronse as moedas de 1, 5, 10, 25 e 50 fils, e 1 dirham. As moedas de 1, 5 e 10 fils son de bronce, mentres as de maior valor son de cuproníquel. En 1995 reduciuse o tamaño das moedas de 50 fils e 1 dirham, adoptando unha moeda de 50 con forma de heptágono equilátero cos lados curvados.
Os valores das moedas están escritos en numerais árabes e o texto en árabes. As moedas de 1, 5 e 10 fils son pouco usadas na actualidade.
Fraude En agosto do 2006 coñeceuse que a moeda de 1 peso filipino era do mesmo tamaño cá de 1 dirham, tendo un valor moi baixo. O mesmo ocorre coas moedas de 10 cent australianas, a de 5 rupias paquistanís, a de 50 baisa omaní e a de dirham marroquí.
Para evitar a fraude, os billetes levan un falcón en marca de auga.
Billetes O 20 de maio de 1973 o U.A.E. Currency Board introduciu billetes de 1, 5, 10, 50 e 100 dirhams. O billete de 1000 dirhams foi introducido o 3 de xaneiro de 1976. En 1982 creouse a segunda serie de billetes, na que non había billetes de 1 nin de 1000. O ano seguinte introduciuse o billete de 500 e en 1989 o de 200 dirhams. Finalmente reintroduciuse o billete de 1000 dirhams en 1989.
Os textos do anverso dos billetes está escrito en árabe con números árabes. O reverso está en inglés con números arábigos.
Serie de 1982 Imaxe Valor Cor Dimensións (mm) Descrición Anverso Reverso Anverso Reverso 5 Dirhams Marrón 157 x 67 Sharjah Central Souq Mesquita de Imam Salem Al Mutawa en Sharjah 10 Dirhams Verde 147 x 62 Khanjar, daga tradicional de Omán granxa 20 Dirhams Azul 149 x 63 Fachada do Dubai Creek Golf e Yacht Club Mercado tradicional 50 Dirhams Morado 151 x 64 Oryx Forte Al Jahli en Al Ain 100 Dirhams Rosa 155 x 66 Forte Fahidi Edificio do Dubai World Trade Centre 200 Dirhams Verde e marrón 157 x 67 Zayed Sports City e xulgado Edificio do United Arab Emirates Central Bank 500 Dirhams Azul mariño 159 x 68 Falcón Mesquita Jumeirah 1000 Dirhams Azul verdoso 163 X 70 Palacio de Al Hosn Abu Dhabi Corniche
Notas
Véxase tamén Outros artigos Economía dos Emiratos Árabes Unidos Ligazóns externas Moedas conmemorativas Conversor de dirhams Conversor de dirhams
Categoría:Emiratos Árabes Unidos Categoría:Moedas de Asia Categoría:ISO 4217