Кафедра Святога Пятра — скульптурная кампазіцыя ў алтарнай прасторы сабора Святога Пятра ў Ватыкане, створаная Джавані Ларэнца Берніні. У каталіцкім багаслоўі тэрмін ужываецца як сінонім папскай улады. У гонар кафедры Святога Пятра адзначаецца аднайменнае каталіцкае свята 22 лютага.
Кафедра Берніні Кафедра Святога Пятра знаходзіцца ў апсідзе сабора Святога Пятра і вянчае яе галоўны неф, завяршаючы перспектыву каласальнага будынка. Кафедра ўтрымлівае ў сабе старажытную хрысціянскую рэліквію — драўляны трон Св. апостала Пятра, які паводле царкоўнага падання належаў апосталу. Рэліквія была падорана Папе Яну VIII Карлам Лысым у 875 годзеInterior of the Basilica. Сайт Ватикана .
Кафедра створана з пазалочанай бронзы Джавані Ларэнца Берніні ў 1657—1666 гадах і лічыцца адным з галоўным шэдэўраў майстра«Бернини» //Большая Советская Энциклопедия. Пасля стварэння кафедры Берніні драўляны трон знаходзіцца ўнутры яе і схаваны ад вачэй, аднак у 1867 годзе ў час святкавання 1800-годдзя пакутніцтва апосталаў Пятра і Паўла ён выстаўляўся для шанавання вернікамі«Chair of Peter» //Catholic Encyclopedia. 1913.
Па сярэдневяковай традыцыі рэлікварый, які змяшчае святыню, павінен у той ці іншай ступені паўтараць яе форму. Таму цэнтральнай часткай кафедры служыць бронзавы трон з ажурнай спінкай, упрыгожанай барэльефам «Хрыстос уручае ключы апосталу Пятру». Трон акружаны фігурамі анёлаў і падтрымліваецца статуямі чатырох вялікіх Настаўнікаў Царквы, прычым двое заходніх настаўнікаў, Амвросій Медыяланскі і Аўрэлій Аўгусцін, знаходзяцца са знешняга боку і паказаны ў заходніх мітрах; а двое ўсходніх, Іаан Залатавуст і Афанасій Вялікі знаходзяцца з унутранага боку трона і паказаны з непакрытай галавой.
Кафедра асветлена вітражным акном, размешчаным над ім. Вітраж мае авальную форму, набраны з тонкіх алебастравых пласцін, у яго цэнтры намаляваны голуб, які парыць у прамянях Сонца — сімвал Святога Духа. Акно акружана шматлікімі фігурамі анёлаў. Маштаб усёй кампазіцыі падкрэслівае той факт, што размах крылаў голуба, які здаецца гледачу адносна невялікім, складае каля 3 метраў«Италия» //Вокруг света. М.:2009.
Багаслоўскі тэрмін У каталіцкім багаслоўі тэрмін «кафедра Святога Пятра» мае важнае значэнне як сімвал папскай улады. Кафедра ў хрысціянстве з ранніх часоў служыла сімвалам улады біскупа, паколькі апостал Пётр лічыцца ў каталіцтве першым біскупам Рыма, рымская біскупская кафедра называецца «кафедрай Святога Пятра». У сувязі з гэтым у папскую тытулатуру ўваходзяць тытулы «Біскуп Рымскі» і «Пераемнік князя апосталаў».
Свята У сучасным літургічным календары рымскага абраду 22 лютага адзначаецца свята кафедры апостала ПятраThe Feast of the Chair of St. Peter. Свята існуе ў Заходняй Царкве з IV стагоддзя, складзены ў Рыме ў першай палове IV стагоддзя мартыралог Depositio martyrum прыводзіць дату 22 лютага як дату свята кафедры апостала Пятра«Мартиролог» //Католическая энциклопедия. Т.3. М.:2007. Аднак пазней на Захадзе адзначаліся два святы — дата 22 лютага замацавалася за святам «Кафедра Св. Пятра, Антыяхійская» (паводле царкоўнага падання апостал Пётр узначальваў царкву Антыёхіі перш чым стаў біскупам Рыма), а 18 студзеня адзначалася свята «Кафедра Св. Пятра, Рымская»«Кафедра Святого Апостола Петра» //Католическая энциклопедия. Т.2. М.:2005. Ст. 945—947. Гэта практыка ўвайшла ў традыцыю мясцовых календароў з XI стагоддзя, пазней распаўсюдзілася на ўсю Заходнюю Царкву.
Пасля літургічнай рэформы Другога Ватыканскага сабору ў календары засталася толькі дата 22 лютага без удакладнення назвы кафедры. Евангельскае чытанне гэтага дня () апавядае пра спавяданне Пятром Ісуса Хрыстом, стварэнне Царквы на Пятру, як на камені, і ўручэнне яму ключоў Царства Нябеснага.
Літаратура «Chair of Peter» //Catholic Encyclopedia. 1913 «Кафедра Святого Апостола Петра» //Католическая энциклопедия. Т.2. М.:2005. Ст. 945—947 Спасылкі
Катэгорыя:Хрысціянскія рэліквіі Катэгорыя:Ватыкан Катэгорыя:Каталіцкія святы