Палац Радушкевіча (Палац Радушкевічаў, , ) — палац у неагатычным стылі («цагляны стыль») на правым беразе Віліі непадалёк ад Зялёнага маста. Узвышаецца на тэрасе ў пачатку вуліцы Калварыйскай, бачны са Старога горада і гарадскога цэнтра, у нядаўнім мінулым (да пабудовы вышынных будынкаў на правым беразе Віліі) фарміраваў выгляд набярэжнай Віліі, застаецца прыкметным архітэктурным акцэнтам Вільні.
Пабудаваны па праекце архітэктара Юліяна Янушэўскага (1894) на замову ўрача Гілярыя Радушкевіча ў 1894 (або 1895)—1900 гадах.
Цяперашняя частка былога палаца займае Саюз архітэктараў Літвы. Будынак з'яўляецца помнікам архітэктуры мясцовага значэння (AtV 63). Ахоўваецца дзяржавай; код 1037 у Рэестры культурных каштоўнасцяў Літоўскай Рэспублікі. Катэгорыя:Палацы Вільні