Акадэмія ваенна-паветраных сіл ЗША () — амерыканская дзяржаўная спецыялізаваная ваенная вышэйшая навучальная ўстанова, якая месціцца ў акрузе Эль-Паса ў штаце Каларада, ЗША.
Агульная характарыстыка Акадэмія месцінна на тэрыторыі акругі Эль-Паса ў ваколіцах горада Каларада-Спрынгс.
Выпускнікі чатырохгадовай праграмы акадэміі атрымліваюць ступень бакалаўра і прызначаюцца ў якасці лейтэнантаў у ВПС ЗША або ў Касмічныя сілы. Прыём у акадэмію з'яўляецца конкурсным з тэрытарыяльнымі квотамі — месцы размяркоўваюцца паміж акругамі па выбарах у Кангрэс. Падчас знаходжання ў акадэміі курсанты атрымліваюць грант за навучанне, пражыванне і харчаванне, а таксама штомесячную стыпендыю, якую аплачваюць ВПС.
Выпускнікі абавязваюцца адслужыць некалькі гадоў у якасці афіцэра ў ваенна-паветраных або касмічных сілах. Абавязацельства звычайна складаецца з пяці гадоў актыўнай службы і трох гадоў у рэзерве. Асобы, якія не скончылі навучанне, будуць выконваць свае абавязацельствы ў радавой службе або цалкам плаціць за навучанне. Каля 20% курсантаў у выніку не сканчаюць поўны курс акадэміі.
Каб мець права паступіць у акадэмію, кандыдат павінен: быць грамадзянінам ЗША, быць халастым, без непаўналетніх утрыманцаў, мець добрыя маральныя якасці, мець не менш за 17, але не больш за 23 гады, адпавядаць высокім лідэрскім, акадэмічным, фізічным і медыцынскім стандартам.
Акадэмія таксама з'яўляецца адной з буйнейшых турыстычных славутасцяў Каларада, прыцягваючы каля мільёна наведвальнікаў штогод.
Гл. таксама Спіс універсітэтаў штата Каларада
Крыніцы
Спасылкі
Афіцыйная інтэрнэт-старонка ўстановы
Катэгорыя:Навучальныя ўстановы з англійскай мовай навучання Катэгорыя:Універсітэты паводле алфавіта Катэгорыя:Універсітэты Каларада