Чапца́ () — рака ў Еўрапейскай частцы Расіі, у Пермскім краі, Удмурціі і Кіраўскай вобласці, левы прыток ракі Вятка (басейн Камы).
Даўжыня ракі 501 км. Плошча вадазбору 20 400 км². Выток ракі знаходзіцца ў Пермскім краі, на схілах Верхнекамскага ўзвышша. Упадае ў Вятку ў межах горада Кірава-Чапецк (Кіраўская вобласць). У нізоўі Чапца перасякае Вяцкі Увал. Рэльеф у басейне ракі пераважна раўнінны. Сярэдні расход вады ў ніжнім цячэнні складае 124Алексеевский Н. И., Антонова М. М. Чепца // Научно-популярная энциклопедия «Вода России» м³/с, аб’ём сцёку 3,914 км³/год. Жыўленне ракі пераважна снегавое. Замярзае ў лістападзе, вызваляецца ад лёду ў красавіку — пачатку мая. Суднаходная на 148 км (ад вусця да пасёлка Касіно)Река Чепца // Государственный водный реестр РФ.
У басейне ракі больш за 500 азёраў. Прытокі Чапцы: Кен, Гразнуха, Кізелка, Лем, Пыхта, Медла, Іл, Лып, Лаза, Тугалудка, Пулыбка, Пызел, Люк, Кеп, Юнда, Сепыч, Кузьма, Жаба, Лезя, Тум, Лекма, Сізьма, Сада, Свяціца, Новая, Палынка, Святліца, Філіпаўка, Бузарка (Язвіца) і іншыя рэкі і ручаі.
Каля ракі горад Глазаў і пасёлак Яр.
Літаратура Чепца //
Спасылкі Река Чепца // Государственный водный реестр РФ Алексеевский Н. И., Антонова М. М. Чепца // Научно-популярная энциклопедия «Вода России»
Катэгорыя:Рэкі Пермскага края Катэгорыя:Рэкі Удмурціі Катэгорыя:Рэкі Кіраўскай вобласці Катэгорыя:Басейн Камы