Avena L., 1753 el ze on zènaro de piante spermatofite monocotiledoni partegnente a ła famiglia Poaceae (ex. Graminacee).

Etimołozia El nome del zènaro el deriva dal nome latin "avena" (nome volgare de ła pianta cultivada fin da l'antighità)..

El nome sientìfego del zènaro el ze sta definio Linneo (1707 – 1778), conosesto anca cofà Carl von Linné, biòłogo e scritor svedezo considerà el pare de ła moderna clasifegasion sientìfega dei organismi viventi, inte ła publegasion "Species Plantarum" (Sp. Pl. 1: 79 - 1753) del 1753.

Descrision

Ste piante łe riva a na altura de sirca 12 - 15 dm. La forma biołòzega ła ze terofita scapoza (T scap), o sia in zenerałe łe ze piante erbàsee che łe difarise da łe altre forme biołòzeghe daspò-ché, esendo anuałi, łe sùpara ła stajon aversa soto forma de samesa e łe ze dotae de ase fiorałe reto e privo de foje....... Raize Le raize łe ze fasicułae aventìsie. Fusto La parte aèrea del fusto el ze un culmo sołitaro, glabro, asendente, cao e magro. I culmi raramente i połe èsar fasicułai o singolarmente zenicułai a ła baze. Foje Le foje drio el culmo łe ze disponeste in manjiera alterna, Spigheta Infioresensa secondària (o spigheta) formaee da 1 a 6 fiori co l'estension de ła ràchide). Fioro I fiuri fèrtiłi i ze atinomorfi formai da 3 vertezełi: periànsio, riduzesto, andròseo e zinéseo.

Spece Avena cultivada

Avena sativa – Avena comun, de inportansa mondiałe Avena abyssinica – Nativa in Etiòpia, Eritrea, naturałizada anca in Yemen e Arabia Saudia Avena byzantina, Greece e Mèdio Oriente. Introduzesta anca in Spagna, Alzeria, India, Nva Zelanda, Sud America, etc. Avena nuda – Eoropa. Ła ga ła istesa inportansa de A. abyssinica in Etiòpia. Talvolta ła ze includesta in A. sativa e ła zera ła pì inportante in Eoropa prima che st'ùltma spece ła sostituise. Ła ga contegnui nutrisionałi mejori respeto a ła Sativa. A. nuda ła ga riciapà de signifegare in sti ùltemi ani, spesalmente co l'agricultura verda. Avena strigosa – Cultivà cofà forajo in tochi de l'Eoropa osidentałe e Brazil

Avena selvàdega Avena aemulans – Rùsia eoropea Avena barbata – Avena selvàdega magra – dal Portogało + Moroco al Tajikistan Avena brevis – Avena curta– Eoropa sentrałe e del sud Avena chinensis – Zermania, Austria; introduzesta in Cina, Biełoruso Avena clauda – Balcani, Mèdio oriente, Azia sentrałe Avena eriantha – Nord Africa, Mèdio oriente, Azia sentrałe, Càucazo Avena fatua – Avena selvàdega comun – Eoropa, Azia, Nord Africa; naturałizada in Australia, łe Americhe e vàrie ìzołe Avena longiglumis – Nord Africa, Israełe, Spagna, Portogało, Sardegna Avena maroccana – Moroco Avena murphyi – Moroco, Spagna Avena prostrata – Moroco, Spagna Avena saxatilis – Sicilia e ìzołe arenti Avena sterilis – Avena selvàdega invernałe - Mediterànea Africa de l'est; Azia tenperada; introduzesta inte ła Eoropa, Australia, Nova Zelanda e Americhe Avena strigosa – Spagna, Fransa, Portogało; iintroduzesta in altre parte de l'eoropa e in parti de l'Australia, Nova Zelanda e Americhe Avena vaviloviana – Eritrea, Etiopia Avena ventricosa – Nord Africa, Mèdio oriente Avena volgensis – Rùsia eoropea

Spece includeste inte el pasà On sentenaro de taxa i ze stai considerai Avena inte el pasà, ma che uncó i vien considerai de n'altro zènaro: Agrostis, Aira, Ampelodesmos, Anisopogon, Arrhenatherum, Avenula, Bromus, Calamagrostis, Capeochloa, Centropodia, Corynephorus, Danthonia, Danthoniastrum, Deschampsia, Festuca, Gaudinia, Helictochloa, Helictotrichon, Hierochloe, Lachnagrostis, Lolium, Parapholis, Pentameris, Periballia, Peyritschia, Rytidosperma, Schizachne, Sphenopholis, Stipa, Stipagrostis, Tenaxia, Tricholemma, Triraphis, Trisetaria, Trisetum, Tristachya e Ventenata Notasion

Altri projeti

Linganbi foresti

Categoria:Pooideae Categoria:Sereałi Categoria:Pàjine co erori inte łe nòde