I Derozer i xe na banda muxegałe Punk rock de Vicensa. Intrà łe pi conoseste bande Punk itałiane, da ła nàsita inte el 1989 i ga dà-fóra 8 àlbun e sonà in pì de 1500 consèrti.
Storia
Ła banda ła xe stà tirà-sù inte el 1989 La biografia ufficiale della band Derozer dai menbri storegi Mendez (al baso) e Francesco "Spasio" Miotello (a ła bataria) e altri do (a ła voxe e a ła chitara) che, dopo aver rexistrà na demo in caseta inte el 1993, i ga mołà ła banda e i xe stà sostituìi dal terso menbro storego, Sebastiano "Seby" Berlato, che da lì in pó el ghene ga sènpre fato parte e el xe deventà l'autore prinsipałe dei testi e de ła muxega.
Inte el 1994 xe stà da fóra el primo singoło 144, autoprodoto par méxo de ła Derotten Records: na caxa discografega tirà sù da ła banda stesa. Ła Derotten Records ła sarà de juto anca l'ano dopo, co vién dà fóra Bar el primo albun. Doménte par colpa de dei radeghi Spasio el moła i Derozer. El ge tornarà dentro 4 ani dopo, inte el 1998, el steso ano che vién dà fóra Alla nostra età, el secondo albun de ła banda. Inte i ani a drio i ga sevità a sonar tuti insieme, rivando a far tour in tuta Eoropa e inte ła Mèrica del Nord.
A ła fin del 2003 doménte un consèrto Seby el xe cascà col braso sanco sóra na bòsa róta. Sto asidente el ge ga inpedìo de sonar ła chitara par pi de do ani. Ałora el xe stà sotituìo al strumento da Andrea "Spazza" Rigoni, che el ga capà parte cusìta a l'albun del 2004 Di nuovo in marcia.
Inte el 2006 Spasio el ga mołà da nóvo ła banda, che dopo altri 2 ani de atività ła ga proclamà el só retiro.
Cuatro ani dopo, inte el 2012, i Derozer i ga fato un nóvo tour de 6 méxi, doménte che i ga dà fóra Fedeli alla tribù, na antołoxìa de łe so canson (pi una nóva), e un documentaro su ła storia soa de łori.
Inte el xenaro del 2016 i xe tornài in atività. A sta reunificasion no ga capà parte Mendez, che el ło ga comunicà co un mesajo dai toni vełenoxi. Nonostante el radégo del basista, Seby el ga recognosùo ła só inportanza inte ła storia de i Derozer, spendendo parołe de riguàrdo e dixendo che no ge sarìa sta n'altro basista ofisiałe e che par i tour i ge n'avarìa scriturà uno de volta in volta. L'ano dopo i Derozer i ga dà fóra, dopo 13 ani da l'ùltemo, un albun nóvo: Passaggio a Nordest. PASSAGGIO A NORDEST
Conpozision Conponenti Seby - Voxe e chitara (da'l 1993) Spazza - Citara (da'l 2003) Spasio - Bataria (1989-1995; 1998-2006; dal 2012)
Ex-conponenti Domenico - Citara e voxe (1989-1993) Davide il "Rozzo" - Voxe (1989-1993) Gino Racas - Bataria (1995-1997) Micy - Bataria (2006-2008) Mendez - Baso (1989- 2015)
Timeline
Discografia Albun 1993 - Derozer (demo autoprodota in Muxicaseta) 1995 - Bar (Derotten Records – Cob Records) 1998 - Alla nostra età (Derotten Records – Cob Records) 2000 - Mondo perfetto (Cob Records – Mad Butcher Records) 2002 - Chiusi dentro (Mad Butcher Records) 2003 - Live in studio (Alternative Produzioni) 2004 - Di nuovo in marcia (Derotten Records – Mad Butcher Records) 2017 - Passaggio a Nordest (Indiebox Music)
EP 1994 - 144 (Derotten Records) 2002 - 144 (restanpa, Derotten Records)
Split 1998 - Rational Inquirer#9 (7" split co Electric Franchestein, Torture Citty e Who chilled Bambi (Rational Inquirer) 1999 - Dì duri (7" split co Gli Impossibili (Cob Records)
Antołoxie 2012 - Fedeli alla tribù (CD + DVD, Indiebox Music)
Note
Altri projeti
Ligamenti foresti Sito ofisiałe de i Derozer
Categoria:Grupi muxicałi itałiani