Biografia El nase a Venesia inte el otobre del 1943 da na fameja che ła venjea da ła Sisiłia. Inte'l 1964 el intra a far parte del Nuovo canzoniere italiano (Novo cansonier itałian), un grupo de artisti che se ocupava de riserca e recupero de łe tradision muxicałi popołari e anca de ła produsion de nove canson popołari co temàteghe sosiałe. Co 'sto sodałisio el partesipa a ła reałizasion de spetacołi cofà Tera e acqua, Gorizia, una guerra (Gorisia, na guera) e La grande paura. Settembre 1920. L'occupazione delle fabbriche (La gran paura. Setenbre 1920. L'ocupasion de łe fabriche.).
Co Luisa Ronchini e Gualtiero Bertelli el mete in pìe el Canzoniere Popolare Veneto (Cansonier Popołar Veneto), che el fa riscoprir el patrimonio de łe canson popołari e dei canti de laoro de Venesia e de ła so Laguna, e, co łe so nove produsion, el conta łe lote operaie de fin ani '60 e łe trasformasion sosiałe de'l venesian e de ła sità lagunar. In sti ani, oltre i laori publicai col cołetivo, vien fora anca i so primi laori da sołista. Inte el 1966 el se iscrive al PCI, andove che el se ocupa de l'organizasion de inisiative culturałi.
Profesor pensionado statal, dopo èsar ndà vivare a Santiago de Cuba, inte el 2005 el publica, dopo cuindaze ani de siłensio, el so cuinto disco da sołista.
Discografia Co'l Cansonier Popołar Venesian
1975 El miracolo roverso 1977 L'Aria
Come sołista 1968 Il mio partio saluta Mosca (El me partio el sałuda Mosca) 1973 Ariva i barbari 1979 So' nato scorpion 1986 Aneme 2005 Flores - Un Veneziano a Cuba (Fiori - Un Venesian a Cuba)
Note
Linganbi foresti su Discogs su Canzoni Contro la Guerra su Raritalia
D'Amico, Alberto