Ne la Republica Veneta i ghe ciamava domini de teraferma o Stato da tera (in contraposizion al Stato da mar) ai teritori venexiani de l'entrotera padano-veneto. El Stato da tera l'era una de le tri sudivision prinsipai inte i cuałi l'era spartìo el Stato veneto, insieme al Dogado e al Stato da mar. Inte el periodo de pi granda espansion i conprendea el Veneto, el Friul e tochi de la Lonbardia. I confini i rivava fin al Po, a l'Adda, a le Alpi e al Carso.
I Reximenti
Verso la fin de la repùblega l'aministrazion dei domini de teraferma la risultava divisa nei seguenti reggimenti (par ognuno xe indicà le autorità zivili e militari che ghe stava e la durata de la carica): Adria: Podestà e Capitan par 16 mesi; Rocca d'Anfo: Proveditor par 24 mesi; Asola: Proveditor par 16 mesi; Asolo: Podestà par 16 mesi; Badia: Podestà par 16 mesi; Basan: Podestà e Capitan par 16 mesi; Bergamo: Podestà e Capitan par 16 mesi; Brescia: Podestà e Capitan par 16 mesi; Cadore: Capitano par 32 mesi; Canpo San Piero: Podestà par 16 mesi; Caneva: Podestà par 16 mesi; Castelbaldo: Podestà par 16 mesi; Castèło: Podestà par 16 mesi; Castelnovo: Proveditor par 24 mesi; Ceneda e Tarso: Podestà par 16 mesi; Chiusa: Castellan par 24 mesi; Cittadella: Podestà par 16 mesi; Cividale: Provveditore par 24 mesi; Cologna: Podestà par 16 mesi; Conegliano: Podestà e Capitan par 16 mesi; Crema: Podestà e Capitan par 16 mesi; Este: Podestà e Capitan par 16 mesi; Feltre: Podestà e Capitan par 16 mesi; Legnago: Provveditore e Capitan par 16 mesi; Lendinara: Podestà par 16 mesi; Lonato: Provveditore par 16 mesi; Lonigo: Podestà par 16 mesi; Lorco: Podestà par 16 mesi; Maran: Proveditor par 16 mesi; Maròstega: Podestà par 16 mesi; Martinengo: Podestà e Proveditor par 32 mesi; Monfalcon: Podestà par 16 mesi; Monselice: Podestà par 16 mesi; Montagnana: Podestà par 16 mesi; Motta: Podestà par 16 mesi; Noale: Podestà par 16 mesi; Orzinuovi: Proveditor par 16 mesi; Palmanova: Tesoriere par 24 mesi; Peschiera: Proveditor par 16 mesi; Piove: Podestà par 16 mesi; Pontevico: Castellan par 24 mesi; Pordenone: Proveditor e Capitan par 16 mesi; Portobuffolé: Podestà par 16 mesi; Portogruaro: Podestà par 16 mesi; Quero: Castellan par 32 mesi; Romano: Podestà e Proveditor par 32 mesi; Rovigo: Podestà e Capitano par 16 mesi; Sacile: Podestà e Capitano par 16 mesi; Salò: Provveditore e Capitano par 16 mesi; Serravalle: Podestà par 16 mesi; Soave: Conte par 32 mesi; Treviso: Podestà e Capitan par 16 mesi; Oderzo: Podestà par 16 mesi; Udine: Luogotenente par 16 mesi; Verona: Podestà e Capitan par 16 mesi; Vicensa: Podestà e Capitan par 16 mesi.
Bibliografia Da Mosto, Andrea: L'Archivio di Stato di Venezia, Biblioteca d'Arte editrice, Roma, 1937. Mutinelli, Fabio: Lessico Veneto, tipografia Giambattista Andreola, Venezia, 1852.
Categoria:Repùblega de Venèsia