Fioło de Piero e Marina, el xe stà ełeto sentosetimo doxe de ła Republica Vèneta el 26 de genaro 1684 e el xe restà in carica fin ała morte. Omo de grande cultura (el parlava on mucio de łéngue) el ga ricoverto a perfesion l'ideal de doxe de pura faciata, sensa grandi anbision. Soto el so dogado a xe proseguìa ła guera scuminsià propio inte el 1684 contro i turchi e el se ga fregià de łe tante vitorie del so futuro sucesor Francesco Morosini, a ł'epoca proveditor miłitar.