L’afrikaans xe na łéngua indo-eoropea rivà da l’olandexe del XVIII sècolo. El xe nassùo inte la region del Cavo, in Sudafrica. El xe parlà in Sudafrica e Namibia, onde che el xe lengua ofizial, ma anca in Botswana, Angola, Swaziland, Zimbabwe, Togo e Zambia. Co la migrazion de sudafricani e zimbabueani de i ùltimi ani, se cata de le persone che le parla afrikaans in Inghiltera (100 000), in Australia (Perth) e in Canada (Toronto e Auckland). In Sudafrica, onde che ghe xe cerca oto migioni de persone che le parla l'afrikaans, el xe la lengua de i boeri e de i metizzi (coloured), spezialmente intee la region del Cavo.
Storia
L’afrikaans se ga desvilupà da l’olandexe meridional parlà da i coloni de Cità del Cavo fin dal 1652. Zà inte el XIX sècolo i olandexi i considerava la lengua del Cao cofà un dialeto de la so lengua (Cape Dutch o Kitchen Dutch, co senso pezoratìo). L’afrikaans el ga anca vù de le influenze da le lengue de i altri coloni (franzese, todesco, scoseze), de popołasion che xe stà portae al Cavo cofà s·ciavi o marcanti (indiani, malesi, malgassi), e da le popołasion locai (khoi, san e popoli bantu). A la fin del XIX sècolo el xe stà reconossù cofà lengua, e dal 1925 cofà lengua ufizial del Sudafrica. L’afrikaans el xe la ùgnola lengua europea che la se gabia trasformà inte na lengua nova in Africa.
Altri projeti
afrikaans Afrikaans Categoria:Sensa fonti - lenguistega