Sarnaja (o Sernaja) (AFI: ) (par talian Sernaglia della Battaglia) l'é un comun de 5799 abitanti de la provincia de Treviso in Veneto.

Geografia fisica El teritorio comunal l'à la so estension inte l'area centromeridional del "Quartier del Piave" davanti al Montel. La xona la é generalmente piana, co altitudini che le varia dai 89 ai 129 m s.l.m. da l'estremità sudoriental a l'estremità setentrional.

El corso d'acua principal l'é la Piave, che la segna el confin sud. El fiume l'é un pochi de metri pi bas de le tere intorno, creando na erta che sarie el slainà (o slainaç), che coi so bosc la é de gran interesse naturalistico. N'altro fiume inportante l'é el Soligo, che el limita el comun verso matina. Intel teritorio comunal le passa anca la Rosper e la Rabos, che però le é manco inportanti. A nord-est, pò, ghen é i Palù.

Origini del toponimo Sarnaja el vien meçonà par la prima olta intel 762 fà Sarnalia. L'é possibel che sie un predial, da Serenus pi -ālia (sufisso coletivo). No se pol escluder na derivacion da "serenus" (che sarie "[teren] cença arboi"). La denominacion "della Battaglia" la é stata conferida intel 1924.

Storia Vecje assé le é le origini de sto paese: a Faldé, ancó na fracion de Sarnaja e - in passà - porto su la Piave e centro de interessi e comerço, i à catà reperti eneolitici e paleoveneti. In pi, no i manca i segni de la presença romana.

Co la decadença de la Serenissima, che fin al 1797 la à governà anca su Sarnaja, Sarnaja l'à seità el destin de tut el Veneto: prima sote i francesi, pò i striaci e pò ancora sote l'Italia a partir dal 1866. Dopo de le do guere mondiai, le triste condicion de vita le à portà la popolacion a emigrar, che l'à permetest a la popolacion restada là de cjapar le rimesse dei emigranti, che pò le à porta ai primi investimenti inte le inprese. Gracie a le tante iniciative de i piçoi inprenditor, el paese l'à podest ndar fora da na esistença solche rural.

Società

Evolucion demografica

Etnie e minorance foreste Ai 31 de dicenbre 2023 i foresti residenti intel comun i era 583, el 9,6% de la popolacion. I grupi pi consistenti i é:

Marochin, 176 Macedoni, 110 Romeni, 61 Albanesi, 27 Serbi, 23 Bengalesi, 22

Lengue e dialeti A Sarnaja se parla par veneto e par talian. La variante veneta che se descor a Sarnaja la apartien al sot-grupo altotrevisan, che a so olta el fa parte del grupo dialetal veneto nord-oriental: el dialeto de Sarnaja, defati, l'à tante carateristiche in comun col belumat.

Cultura

Istitucion culturali

Biblioteca comunal dedicada a Giocondo Pillonetto, inaugurada intel 1992 dal scritor Mario Rigoni Stern e dal poeta Andrea Zanzotto.

Eventi El Festival del Sapere 2024 "Cultura e incontro generazionale" i lo à pensà par esser de juto inte l'interpretar

Altri projeti

Linganbi foresti

Categoria:Comuni de ła provincia de Trevixo