Uganda

Ł'Uganda, ufisialmente ła Republica de ł'Uganda, el xe on Stato de ł'Africa Orientałe. Ła confina a nord col Sud Sudan, a est col Kenia, a sud co la Tanzania, a sudovest co el Ruanda e a ovest co ła Republica Democràtega del Congo.

Zeografia

Ła ga na superfisie de 236 040 km².

En Uganda ghe alte montagne, masicio del Rwenzori, el monte Elgon e l'acrocoro del Karam. El sud del paexe xe colinoso.

El centro del paexel'è trasversà da fiumi e caraterizà da laghi, come el łago Kyoga e l'Alberto. Tuto el paexe xe dentro el bacin acquifero del Nilo. El Nilo scomincia a Jinja, doe vien fora dal Lago Vitoria setentrional.

El nord est, distreto del Karamoja, xe desertico.

Storia

Antighità I primi abitanti de l’Uganda xera i twa, on popolo de pigmei che xera presente in tuta l’Africa Centrale. I twa xe stà spinti a sud da le migrasioni bantu, a loro olta in contrasto co le migrasioni nilotiche.

Dal XV secolo se forma i quatro regni del sud (Buganda, Toro, Bunyoro e Ankole). Al nord, le popolasioni de origine nilotica se organiza in entità teritoriali pi pecenine, a esclusion de i acholi che cuerzea n’area vasta tra Uganda e Sud Sudan de ancò.

Modernità Inte el 1860 i esploratori inglexi John Hanning Speke e James Augustus Grant ie rivà fin a Jinja. Dopo de lori, i misionari anglicani e catolici riva a la corte del re de i baganda.

Inte el 1888, i inglexi ga proclamà el protettorato de l’Uganda, costruio la ferovia che da Mombasa colega Kampala e scominsià a sfrutar el paexe co le piantagioni de cafè e coton.

Indipendensa L’indipendenza la rivò el 9 otobre 1962. Le prime elezioni vegnea vinte dal catolico Kiwanuka ma la regina Elisabeta II de Inghiltera no ga reconosesto el voler popolar e ga imposto un primo ministro anglicano, Milton Obote. Inte el 1966, Obote ga fato on colpo de stato, arestà el re de i baganda che xera el presidente del paexe e tolto e so posto.

Idi Amin Dada, el cao de stato magiore de Obote, ga a so olta fato on colpo de stato inte el 1971 e preso el poder a Kampala. Amin xe stà on ditator sanguinario, ga compa miliaia de persone, espulse la comunità axiàtega tuta gente che l’era nata in Uganda, espulse i misionari che difendea la zente e tacò guera co la Tanzania.

En tel 1979, la Tanzania ga invaso l’Uganda, e caturà la cavedal. Milton Obote fu rieleto presidente e na stagione de vendeta ga portà a la morte de mezo milion de abitanti.

Inte el genaro 1985, Obote ga subiò n’altro colpo de stato e, dopo altre traversie, Yoweri Kaguta Museveni ga conquistà la cavedal e sa promosso presidente. Inte el 1987 Museveni ga caturà Alice Auma Lakwena, profetesa e fondatrice de l’Esercito de lo Spirito Santo. La Lakwena vegnea mandà in bando in Kenya, e i ribeli a casa. Parò Joseph Kony, on cosino de la Lakwena, dopo esar scapà in Sudan, ga fondà el Esercito de Libarasion del Signore (LRA), poi ribatezà Esercito de la Resistenza del Signore. Konyi volea prendar el poter, ricostruire el regno de i acholi e governar co i Diexe Comandamenti. L’LRA ga copà sora-de-tuto zente de la tribù acholi, sequestrà buteleti, costreto le putine a servir i soldai e far da mojere, insegnà a i puteleti a torturar la zente, e altri abusi de i diriti umani. El governo no ga mai fato tanto par fermar sta guera civil che ła xe ndà vanti par 18 ani. Museveni l’è stà rieleto inte el 1996, 2001, e 2006. L’oposision guidà da Kizza Besigye no ga riconosù il risultato de le ultime elezioni. Besigye l’è stà arestà co de le acuse false e no ga poduo combatar a armi pari.

Zeografia połitega La cavedal xe Kampalache vol dir "colina de le gazele".

Popołasion Ła ga na popołasion de 28 195 754 abitantiStima del 2006 trata dal CIA Factbook . Etnie I bantu se cata al sud (baganda 12%, ankole 8%, basoga 8%, bakiga 7%, bagisu 6%, batoro 4%, banyoro 3%, bagwere 2%, bakonjo 1%). I nilotici xe al nord (iteso 8%, lango 7%, acholi 5%, alur 3%, karamojong 2%). I sudanici se cata inte el nord ovest (logbara 4%, kakwa, madi).

Religione Quasi tuta la popolasion xe de religione cristiana (catoleghiTuto el nord de l’Uganda xera stà afidà a i misionari comboniani de Verona. I misionari ga laorà sia par l’evangelizasion che par costruir le infrastrutre del paexe (scole, ospedali, strade). Quasi tuti i studi so le łéngue, le culture e la storia del nord Uganda xe stà fati da misionari. 45%, protestanti 35%). I musulmani xe poco manco del 10%. El resto segue le religioni tradisionali.

Łéngue Le łéngue uficiali xe l’inglexe e el swahili.

La zente la parla le łéngue locali. Le pi importante xe el luganda che se parla ne la cavedal.

Economia L'Uganda ga na tera fertile, a ecesion del Karamoja, semi desertico. L'agricoltura produse anca par l'esportasion (cafè, coton, bagigi, fruta tropicale). Ghe boni giacimenti de rame e cobalto. Ghe giacimenti petroliferi soto el Lago Alberto.

Gałeria de someje

Notasion

Altri projeti

Łinganbi forèsti