El rumen oben romen el xe ła łéngua uficial de ła Romanìa e de ła Repùblica de Moldàvia: ła ga na baxe łatina ma, vista ła poxision geogràfica, ła xe influensà forte dal sostrato slavo che gh'era prima che rivase i Romani a portar el łatin.
Gramatega El rumen el xe ła soła łéngua romanza che ła ga mantegnù na declinasion su nomi e agetivi, seben che l'abia sol che tri caxi nominacuxativo (nominativo+acuxativo), genitdativo (genitivo+dativo) e vocativo. Soło i pronomi i fa védar tuti quanti i caxi ben separài.
El ga n'artìcoło determinativo finałe come łe łéngue nòrdiche come el svedéxe mentre l'artìcoło indeterminà el xe preposto come in vèneto: "om" (omo), "omul" (l'omo), "un om" (n'omo); "fată" (tóxa), "fata" (ła tóxa), "o fată" (na tóxa).
Ła declinasion ła se véde soratuto sui artìcołi, in particołar sui determinativi maschiłi che i vien zontài in fóndo a ła paroła:
{| class="wikitable" border="1" cellspacing="0" cellpadding="2" |- ! colspan="5" style="background:#cfcfcf;" | Declinasion co artìcoło det. maschiłe finałe |- style="background:#dfdfdf;" | |- ! colspan="5" style="background:#efefef" | |- | Nominacuxativo || Omul (sojeto e ojeto: l'omo) |- | Vocativo || Omule (omo! cio, omo!) |- | Genitdativo || Omului (conpl.: de/a l'omo)
De sòłito invesse i nomi feminiłi i fa védar calche difarensa de caxo diretamente su ła raixa, anca sensa artìcoło finałe, ma el vocativo el tende confóndarse col nominacuxativo:
Declinasion feminiłe sensa artìcoło finałe Nominacuxativo o fată (sojeto e ojeto: 'na tóxa)|| Maria (sojeto e ojeto) |- | Vocativo || fată! (tóxa! cio tóxa!)|| Mario (Maria! cio, Maria!) |- | Genitdativo ||unei fete (conpl.: de/a na tóxa) Mariei (conpl.: de/a Maria)
I artìcołi determinài plurałi finałi i fónde senpre el vocativo col genitdativo e i xe:
{| class="wikitable" border="1" cellspacing="0" cellpadding="2" |- ! colspan="5" style="background:#cfcfcf;" | Declinasion maschiłe e feminiłe/nèutra plurałe co art. det. finałe |- style="background:#dfdfdf;" | |- ! colspan="5" style="background:#efefef" | |- | Nominacuxativo || Oamenii (sojeto e ojeto: i òmeni)|| Fetele (sojeto e ojeto:łe tóxe) |- | Vocativo || Oamenilor (òmeni! cio, òmeni!)|| Fetelor (tóxe! cio tóxe!) |- | Genitdativo || Oamenilor (conpl.: ai/dei òmeni)|| Fetelor (conpl.:a/de łe tóxe)
El nèutro el segue el maschil al singołar e el feminil al plural: "centrul" (el séntro) vs. "centrele''" (i sintri).
I verbi i ga na coniugasion rica de finałi sensa clìtici sojeto, tipo queła de l'itałian o del spagnoło: merg (vo), mergi (te ve), merge (el/ła va), mergem (némo) ma el futuro el se fa co l'auxiłiar "vołer" a vrea, come altre łéngue balcàniche e come l'ingléxe "will": vreau să merg (ndarò), leteralmente "vojo che vago = vojo ndar = ndarò".
rumen rumen Categoria:Sensa fonti - lenguistega