thumb|upright=1.6|Stanpada japoneze del 1900 che ła mostra i miłitari e łe bandiere navałi de łe oto Potense (da sanca verso drita e da l'alto verso del baso: Itàlia, Austria-Ungaria, Zermània, Rùsia; Fransa; Stati Unii, Japon, Regno Unio) che i dezemava ła rebejon dei Boxer. La 'Liansa de łe oto nasion () ła ze sta na liansa formada da Austria-Ungaria, Fransa, Zermània, Itàlia, Zapon, Rùsia, Regno Unio e Stati Unii, costituia de sevente a ła rebejon dei Boxer in Cina (1900).
Mension istòreghe El fin orìzenàrio de ła liansa ła zera ła costitusion de na forsa internasionałe, co ła cuała rónpar l'asèdio de łe legasion internasionałi de Pechin da parte dei revoltozi (zugno 1900). La forsa de spedision, formada de sirca 45.000 óman e 54 nave da guera, ła ga avesto zugo fàsiłe de łe trupe inperiałi cinezi, ocupando prima Tientsin e dopo Pechin za partindo da l'agosto 1900, costrinzindo l'Inperatora Cixi e granda parte de ła corte inperiałe a scóndarse a Xi'an.
L'ocupasion straniera ła ze sta conpagnada da numarévułe viołense, matanse somàrie e stupri contro de ła popołasion siviłe cineze, cusita cofà da sacheji de òpare de arte (tanti dei cuałi dopo portai in Eoropa). La liansa ła ze sta desolvesta dopo de ła firma, inte el 1901, del Protocoło dei Boxer, oncó includesto inte i denomenai "tratai deziguałi".
Notasion
Altri projeti
Linganbi foresti
Categoria:Rebejon dei Boxer