I debatementi Lincoln-Douglas (conosesti popolarmente anca cofà The Great Debates del 1858 o mejo I grandi debatementi del 1858) i zera stai na sèrie de sete contraditori pùbleghi fati inte el contesto dei comisi par el renovamento del mandà par el Senato inte el Stato federà de l'Illinois. I ghe ze stai in pì ocazion intrà Abraham Lincoln, el candidà del neonasesto Partio Republegan, e el senatore inte l'incargo Stephen A. Douglas, concorente a eło averso del Partio Democràtego.
In cheła època i senatori statunitensi i vegneva ełezesti diretamente da łe Asenblee lejislative statałi; i du respetivi statisti i zera drio sercar łe so cuote de sostegnitori par poder cusita otegnere el controło de l'Asenblea zenerałe de l'Illinois. I debatementi i prevedea za in nuce łe pì grande cuestion che a Lincoln ghe saria tocà far fronte suito dopo de ła so vitòria a łe ełesion presidensiałi del 1860. Siben che l'Illinois el fuse un stato lìbaro dal s-ciavismo, sto cuà el zera sta el prinsipałe argomento de descusion inte ła totałità dei interventi.
Acetando ufisalmente ła proposta, sia Lincoln che Douglas, i se ghea inpegnà de mantegner un descorso in ognuno dei nove destreti del Congreso de l'Illinois; ponesto-ché anbedó i gaveva za parlà intrà de lori publegamente anca se in tenpi separai - prima a Springfield (Illinois) e de sevente anca a Chicago – a un dì l'uno da chel'altro, i ghea decidesto che łe so "aparision unitàrie" łe se garia fate inte i restanti sete destreti.
I debatementi i se ghea fato inte łe sità de: Ottawa inte el 21 de agosto Freeport inte el 27 de agosto Jonesboro inte el 15 de setenbre Charleston inte el 18 de setenbre Galesburg inte el 7 de otobre Quincy inte el 13 de otobre Alton inte el 15 de otobre
Notasion
Altri projeti
Linganbi foresti
Categoria:Avegnimenti storeghi Categoria:Pułìtega dei Stati Unii de l'Amèrica Categoria:Pàjine co erori inte łe mape