destra|miniatura|I cuatro pianeti rociozi del Sistema Sołare. El fotomontajo el ghene respeta łe proporsion dei deàmetri ma no łe distanse. Da sanca verso drita se ga Mercùrio, Vènere, Tera e Marte.|364x364px Un pianeta terestre (dizesto anca pianeta rociozo, pianeta rocozo o pianeta tełùrego) el ze un pianeta conponesto par el pì de ròcia e metałi. El tèrmano el deriva diretamente dal nome del nostro pianeta, ła Tera, e el ze sta adotà par denomenar i pianeti del sistema sołare interno contrapozisionàndose a chełi del sistema sołare esterno dizesti ziganti gasozi, che i ze pianeti privai de na superfise sòłida, fati da na conbinasion de idròzeno, èlio e àcua in vàrie conbinasion de gas e lìcuido.
Strutura I pianeti terestri i ga senpre ła istesa strutura zenerałe: un nùcleo sentrałe metàłego, par ła major parte de fero, co un manteło de siłicai, e pusibilmente na crosta, 1999.. Su ła superfise dei pianeti terestri el ze pusìbiłe individuare struture comuni cofà canyon, crateri, montagne e volcani. Inte-ła-fin, i pianeti terestri i ga in posesion atmosfere secondàrie - atmosfere orìzenae da gas libarai par repercusion del volcanismo interno o de sevente a urti co corpi cometari, difarentemente dai ziganti gasozi, che i ga in posesion atmosfere primàrie caturae diretamente da ła nebułoza sołare orìzenària.
Teoregamente, i ze prevedesti du tipołozie de pianeti terestri, una domenada dai conponesti del siłìcio e l'altra dai conponesti del carbònio. I pianeti del Sistema sołare i fa tuti parte de ła prima clase e solché racuanti asteròidi, łe condriti carbonàcee, i ga ła conpozision de ła seconda categoria. Drio łe ipòteze de Marc Kuchner e ła so ecuipa, i pianeti de carbònio i se podaria formar da un disco protoplanetàrio rico de sto ełemento o poareto de osìzeno. Da torno de un nùcleo de fero, se formaria un manteło de carburi e probabilmente grafite, drento el cuało, se łe condision de presion łe vegnese respetae, łe podaria formarse un strato rico de diamanti, podendo devegner sircondà da un'atmosfera secondària, rica de conponesti del carbònio.
Notasion
Altri projeti
Linganbi foresti
Categoria:Pianeti