Ła Marine nationale ("Marina nasionałe") ła ze una de łe cuatro conponenti de łe forse armae fransezi. Come łe altre tre forse (Armée de Terre, Armée de l'air e Gendarmerie nationale), ła ze ponesta soto responsabiłità del goerno franseze..
La so flota ła ze fata da un sentenaro de nave de superfise (tegnendo drento anca el navejo secondàrio, cofà nave cisterna e rimorchiadori), intrà łe cuałe na portaèrei de propulsion nucleare (ła ùgnoła marina eoropea che ła ghene ga una), e da dieze sotomarini nucleari, dei cuałi cuatro i ze armai co SLBM.
Inte el 2014 ła Marine nationale ła ghea 39.300 ómani (36.500 miłitari e 2.800 siviłi) reclutae par concorso.
El bomò de ła Marine nationale, inprimesto co létare bianche in fondo blu el ghe ze in tute le unità de ła flota, el ze: « Honneur, Patrie, Valeur, Discipline » (Onor, Pàtria, Vałore, Desiplina), bomò che mai el ze canbià dai tenpi de ła Marine royale.
Ła vien famejarmente ciamada « La Royale », anca parché prima de èsar imperiale o nasionałe, ła zera reale o oncora parché l'antigo Ministero de ła Marina (andove el ghea sede el Stato majore de ła Marina finmente al 2016) el zera pozisionà inte el nùmaro 2 de rue Royale in Parize, o par finir par destìnguarla da « La Marchande ».
Notasion
Varda anca Stasion miƚitare de Pierre-sur-Haute
Altri projeti
Linganbi foresti
Categoria:Fransa Categoria:Pàjine co erori inte łe nòde