El prèmio Pelmo d'Oro, nome derivà da l'omònemo monte, el ze un prèmio che el vien insegnà da ła Provincia de Bełun par el reconosimento de particułari mèriti inte el so teritòrio. Descrision El prèmio Pelmo d'Oro el ze sta istituio da ła Provinsa de Bełun inte el 12 de majo del 1998 co ła ga stabilio i conponenti de ła zuria, ła cuała ła garia dopo da ver zudegà i partesipanti de ła prima edision. El posto de l'avegnimento no el ze stàbiłe, ma bensì el se move ogni ano inte i comuni de ła provinsa bełumata. Comuni ospitanti 1998: Cortina 1999: Bełun 2000: Zopé de Cador 2001: Selva de Cador 2002: Ałeghe 2003: San Vito de Cador 2004: San Pietro de Cador 2005: Zoldo Alto 2006: Feltre 2007: Col de Lana 2008: Auronso 2009: Agordo 2010: Tanbre 2011: Comèłego 2012: Pieve de Cador 2013: Longaron 2014: Falcade 2015: Sospiroło 2016: Santo Stefano de Cador 2017: Mel 2018: Roca Pietore 2019: Cèzio Premi El prèmio el se difarénsia in trè sesion: Alpinismo in atività: Dazesto a alpinisti o grupi de alpinisti, che i gàpia fato inte łe Dołomiti bełumate na atività che ła mèrita inte l'alpinismo clàsego, moderno o inte ła ranpegada sportiva. Cariera alpinìstega: Dazesto a alpinisti o grupi de alpinisti che i gàpia avesto un inpegno inte el dar rezalto a łe Dołomiti bełumate e a ła provinsa Cultura alpina: Dazesto a persone, asociasion, enti e fondasion che łe gàpia produzesto òpare artìsteghe, leteràrie, sientìfeghe, dazendo contribusion a ła conosensa, vałorizasion e devulgasion del patrimònio naturałe e anbientałe dołomìtego.
Notasion
Altri projeti
Linganbi foresti
Categoria:Premi alpinìsteghi vèneti