Pollyanna, el ze un romanzo par putełi publegà da ła scritora statunitense Eleanor Hodgman Porter inte'l 1913.
Trama Pollyanna Whittier, puteła de ùndeze ani fia de un pastor anglegan, ła ze restada orfana de entranbi i zenitori e par cuesto ła va viver da ła zia Polly, na dona tanto rigida e garbéta che aceta de tółer ła puteła soło par respetar i so doveri. Pollyanna no ła ze par njente despiazùa par el caratere de ła zia. Ansi, grasia a ła so parsonałità feliçe de natura, ałimentada da na educasion intełijente, ła riese ad amar tuti, e a réndar contenta anca ła zia Polly, co'l "zogo de ła fełiçità", che consiste inte'l catar calcosa de pozitivo in calsiase situasion. Pollyanna concuista ben presto el cuor de scuazi tuto el paeze e per cuesto tuti sarà tanto despiazùi co ła ghe capitarà un insidente che ghe farà pèrdar l'uzo de łe ganbe. Pollyanna ła vien mandada in un ospeałe co ła speransa de èsar guarìa e traverso de łe łétare ła informa ła zia del mejoramento avenjesto inte'l tenpo.
Seguiti El romanzo gavarà un seguito ofisiałe, Pollyanna cresce, e molti seguiti scrviesti da altri autori.
Teatro Ła comediografa Catherine Chisholm Cushing ga scrivesto na varsion teatrałe del romanzo. Ła comedia, che gaveva el steso tìtoło, ze andà in sena in prima a Broadway el 18 de setenbre 1916, intarpretada da Patricia Collinge. L'atora ga vestìo i pani de Pollyanna par 112 spetacołi.
Sìnema e tełevizion Dal romanzo de E. H. Porter ze stai traesti do film: Pollyanna, del 1920, co Mary Pickford inte'l ròło de ła protagonista Il segreto di Pollyanna, del 1960, co Hayley Mills inte'l ròło de ła protagonista
Do serie TV e un film par ła tełevizion, inediti in Italia: Pollyanna (1963) The Adventures of Pollyanna (1982) Pollyanna (2003)
Na serie anemada japoneza, dal tìtoło Pollyanna (Ai shōjo Pollyanna monogatari).
Edision Pollyanna Edizioni Mursia, collana Beccogiallo p. 94 ISBN 9788842503927
Altri projeti
Linganbi foresti
Categoria: Romanzi