La Càmara dei lord (House of Lords), ciamada anca Càmara dei pari, el ze una de łe do asenblee parlamentari che łe costituise, insieme a ła Càmara dei comuni, el parlamento del Regno Unio, del cuało el raprezenta ła Càmara alta. El nome intiero e formale de ła Càmara dei Lord el ze The Right Honourable the Lords Spiritual and Temporal of the United Kingdom of Great Britain and Northern Ireland in Parliament assembled, o sia I Onorévułi Siori Spirituałi (i prełati) e Tenporali (i nòbili) del Regno Unio de Gran Bretagna e Irlanda del Nord reunii in Parlamento.
In pasà l'apartegnensa a ła Càmara dei lord ła zera par tuti i menbri (i pari) un derito ereditàrio. Inte el ndar del tenpo łe ze stae aprovae numarévułi reforme, cofà el Life Peerages Act 1958 e l'House of Lords Act 1999, in forsa de łe cuale el nùmero dei conponenti ereditari el ze sta largamente riduzesto.
Difarentemente de ła Càmara dei comuni, el nùmaro dei menbri de ła Càmara dei lord no el ze fiso; inte el febraro del 2021 ła zera conponesta da 800 eligible members (menbri apropiai, che i połe partesipar a łe sentae). Dei menbri apropiai, 689 i ze menbri a vita (el cuało tìtuło no el ghe pasarà ai fiołi), 85 i ze menbri ereditari e 26 i ze Lord spirituałi.
La Càmara dei lord, cusita cofà ła Càmara dei comuni, ła se reunise inte el Pałaso de Westminster. Etimołozia L'etimołozia del vocàboło lord el devien da l'old English (anglo-sàsone) hlāfweard che el indegava, inte i antighi viłaji anglo-sàsoni, el "bread guardian" (hlāf = bread + weard = "guardian", "keeper"), el cao clan "guardian" che el costudia el "pan" (bread) par i abitanti. Anałogamente el vocàboło lady, da l'anglo-sàsone hlæfdīge, el vołeva dir letaralmente ła "bread kneader" ("inpastadora del pan"), cheła che ła fa el pan.New Oxford Dictionary of English
Notasion
Altri projeti
Linganbi foresti
Categoria:Parlamento britànego Categoria:Pàjine co erori inte łe nòde