La cicòria comune o cicòria catałogna (Cichorium intybus L., 1753) ła ze na pianta erbasea, perene co fiori intensi de cołor blu ciaro, apartegnente a ła fameja Asteraceae.

Etimołozia Par el nome zenèrego (Cichorium) de sta pianta ze difìsiłe catar fora ła etimołozia. Probabilmente se ze drio parlar de on antigo nome arabo che el podaria sonar cofà Chikouryeh.

Par altre fonte invese el pare derivar dal nome ejìsio Kichorion, o forse anca dal visinamento de do tèrmani Kio (= io) e chorion (= canpo); i antighi greghi i ciamava sta pianta kichora; ma anca kichòria o kichòreia. Posaria èsar che i àrabi i gàpia ciapà dai greghi el nome, ma no ze seguro. In altre łéngue

Descrision La cicòria ła riva a na altesa màsima de 1,5 m (mìnimo 20 cm), de siclo biołòzego perene, ma a volte anca anuałe; inte el primo ano buta na rozeta bazałe de foje, e el trozo fiorałe solché inte el segondo ano de vita. La forma biołòzega de ła spece ła ze emicriptofita scapoza (H scap): o sia ła ze na pianta perenante co buti al liveło del teren co fusto slongà e co poche foje.

Raize Raize secondàrie da rizoma.

Fusto

Parte ipozea: la parte interada ła ze on rizoma ingrosà che ła finise inte na raiza a fiton sotiłe (a forma cònega), de color moro scuro; el rizoma el ze par de pì pien de vazi latesìfari amari. Parte epizea: la parte aèrea ła ze reta (a volte anca prostrada o co anda zigzagante) co ramozità divaregada; superfise cuerta da pełi verso zo e interno vodo.

Foje Foje bazałi: łe forma na rozeta e łe ze oblanseołae e penatifide a màrzeni ronsinai (raramente intieri); i segmenti i ze su par zo triangołari. Foje caułine: pì picenine de chełe bazałi, ma senpre co na forma anseołada col màrzene dentà - lobà (o raramente intiero). Łe ze sesiłi (anca anplesegàułi, ma senpre verso alto) e a dispozision alterna drio el fusto.

Łe foje łe nase in autuno, łe dura inte l'inverno ma łe se seca suito inte ła fioridura dopo, par sta roba ze fàsiłe catar piante co rame co sołi fiur. El color de łe foje łe ze verdo scuro, inte łe nervadure łe połe èsar sfumae de roso. Dimension foje: larghesa 3 –5 cm; longhesa 10 – 25 cm. Infioresensa Fiuri Fruti

Notasion

Altri projeti

Linganbi foresti

Categoria:Asteraceae Categoria:Ortaji