El cavolfioro, cavolfiore, caol-fioro o caorlfioro el ze on cultivar de càvorlo. El cavolfioro el ze caraterizà da na infioresensa, dita bała o testa, costituia da numarévołi pedùncołi fiorałi, racuanto ingrosai e variamente conpati. L'infioresensa ła ze a corinbo, e ła połe ciapar na vària cołorasion (bianca, zała pajerina, verda, viołeta) e el costituise ła parte comestìbiłe de l'ortajo.
Varietà
El cavolfioro el ga numarévołi varietà, che łe vien distingueste in baze a: l'època de madurasion: ghe ze łe varietà bonorivisime (catae a otobre), bonorive (catae a novenbre-disenbre), invernałi (catae in zenaro e febraro) e tardive (catae da marso a majo). łe difarenti cołorasion: oltre che a łe pì difondeste varietà co infioresensa bianca, ghe ze ła cołorasion verda (cavolfiore verde di Macerata), de cołor viołeto (cavolfiore violetto di Catania)
Cultivasion El caorlfioro el prefarise tereni freschi, profondi e de mèdio inpasto. Ła sàmena in samesaro (tołiero) ła se fa intrà majo e lulio, par łe produsion primaveriłi invese ła se fa in zenaro. El strapianto in canpo de łe piantine el vien fato 40-50 dì dopo de ła samena. Prima del strapianto, el teren el vien parecià co na arada co consimasion de prefarensa orgànega. El laoro pòstero al strapianto el consiste in una o do sar-ciaure. Ła irigasion ła ze fata dopo el strapianto (lulio-agosto) e durante ła cresita de ła infioresensa se ghe ze seco. El cavorlfioro el vien catà tajando el torso da ła baze.
In altre łéngue
Notasion
Altri projeti
Linganbi foresti
Categoria:Cultivar de Brassica