I The Rasmus i ze un grupo muzegałe rock alternativo finlandeze. Inte i primi tre àlbun i fegura co el nome de Rasmus, canbià indrìoman a ła firma de'l contrato co ła caza discrogràfega zvedeze Playground.
I The Rasmus i scrive e canta prensipalmente in łengua ingleze, come No Fear, In the Shadows, First Day of My Life, In My Life e Guilty, produzendo de łe volte anca arcuante conpozision in łengua finlandeze, tra łe cuałe Rakkauslaulu. Inte ła so cariera i The Rasmus i ga vendesto piasè de 5,5 miłion de copie e i ga otenjesto sincue dischi de platino e dieze dischi d'oro.The Rasmus.com - Official band biography
Storia de'l grupo Ani novanta sinistra|thumb|Lauri in concerto a Lublino, 2010. El grupo el se ga formà so'l fenir de'l 1994, cuando i menbri de sto grupo i frecuentava ancora łe scòłe supariori e i tacava èsar conosùi come Rasmus. I gà rejistrà l'EP de'l scominsio 1st traverso l'eticheta discogràfega independente Tega G. Records a ła fine de'l 1995, par dopo siglar un contrato discogràfego co ła Warner Music Finland, grasie a ła cuała i ga publegà el primo àlbun in studio Peep. L'àlbun el ze stà promovesto da un tour de pì de 100 conserti in Finlandia ed Estonia e grasie al só suceso el grupo el ga vinsesto un Grammy Award in Finlandia come "Miglior nuovo artista" (Novo mejo artista) de'l 1996.
Inte'l 1997 A ze stà publegà el segondo àlbun Playboys, promovesto da'l singoło Blue. I só inpenji da'l vivo ga seità sonando de suporto ai Rancid e ai Dog Eat Dog e co na aparision a un festival a'l stadio ołìnpego de Helsinki. L'ano drìo A ze venjesto fora Hellofatester, zlansà da'l singoło Liquid, che'l ga scumisià èsar na prezensa regołar inte ła playlist de ła Nordic MTV. 'Sta canson ła ze stà votà come ła canson de l'ano dai critisi muzegałi finlandezi. Mazor vizibiłità ła ze stà razonzesta dai Rasmus co i se ga prezentà cofà grupo de vertura ai conserti finlandezi dei Garbage e dei Red Hot Chili Peppers.
Canbio de nome, Into (2000-2002) I Rasmus i ga canbià nome in The Rasmus inte el 2000, a cauza de l'ezistensa de un DJ zvedeze da'l nome Rasmus, che'l menasava de far cauza a'l grupo finlandeze. El grupo el ga sernìo partanto de canbiar nome co ła zonta de l'artìgoło the.
Inte’l 2001 i ga publegà el cuarto àlbun Into, che'l ga debutà insìma a ła clasifega finlandeze e el ze stà sertifegà dopio disco de platino da ła Musiikkituottajat vendendo 72.950 copie. Anca el primo singoło estrazesto F-F-F-Falling el ga otenjùo un bon suceso in marepatria, venjendo sertifiegà disco de platino, e inte’l resto de l'Europa. El segondo singoło Chill el ze venjesto fora in Scandinavia e el ze rivà a ła segonda pozision in Finlandia. Drìoman a ła publegasion de l’àlbun, i The Rasmus i ga intraprendesto na tournée europea promovendo l'àlbun come band de suporto dei HIM e dei Roxette.
Dead Letters e Hide from the Sun (2003-2005)
thumb|destra|The Rasmus in conserto a Tampere inte'l 2006
El grupo el ga rejistrà Dead Letters inte’l 2003 ai Nordic Studios in Zvesia insenbre a Mikael Nord Andersson e Martin Hansen, che i gaveva za produzesto Into. L'àlbun el ze stà publegà in Europa ai inisi de'l 2003, scałando łe sìme de łe clasifeghe dei àlbun in Zarmania, Austria, Zvisara e naturalmente Finlandia. Inte’l 2005 i ga publegà l'àlbun Hide from the Sun che'l ze deventà suito disco de platino in Finlandia, da cui i ga trazesto i singołi No Fear, Sail Away e Shot. Inte’l otobre de'l steso ano i ze stà inpenjài in un tour europeo, ‘conpanjài da'l grupo rock alternativo Deep Insight.
Black Roses (2008-2009)
El 26 setenbre 2008 A ze venjesto fora inte’l marcà l’àlbun Black Roses, presedùo el 12 setenbre da'l singoło Livin' in a World Without You, in rodasion inte łe radio za da'l 25 łujo 2008. Inte’l zenaro 2009 A vien fora el segondo singoło Justify, e l'àlbun l’e devenjù disco d’oro in Finlandia. Inte’l meze de zunjo 2009 vien trazesto un novo singoło Ghost of Love, destribuìo solche par el marcà finlandeze, come che jera za capità co’l singoło Keep Your Heart Broken tre ani prima.
A zunjo 2009 i The Rasmus i ze stà includesti inte ła formasion de'l festival rock Monsters Of Rock, insenbre a łezendari artisti cofà Alice Cooper e i Scorpions co i cuałi i ga sonà 7 date in varie sità de ła Rusia. Senpre a zunjo Aki, in un'intarvista radiofònega, el ga anuncià l’usida de na rancura dei sucesi de'l grupo da'l 2001, prevedesta par l'otùno, conprendente el doto co Anette Olzon.
A fin agosto 2009 ze stà relevà el tìtoło de na nova rancura : Best of 2001-2009www.therasmus-hellofasite.it , mentre un meze driom A ze stà rendeste pùbleghe ła reintarpretasion e ła tracklist.www.therasmus-hellofasite.it
El doto co’ Anette Olzon dal tìtoło de October & April xe stà trasmetesto in anteprima el 9 otobre 2009 in una radio finlandexe.www.therasmus-hellofasite.it
The Rasmus e Dark Matters (2012-2019)
El 5 marso 2012 A ze stà publegà el singoło I'm a Mess, antisipando l'usìda de'l novo àlbun The Rasmus, avenjesta el 18 avrìle 2012 traverso ła Universal Music Group. Da'l disco A ze stà trazesto anca el segondo singoło Stranger.
So'l fenir de l'ano A ze stà comersiałizà ła Tour Edition de l'àlbun, contenjente serti remix e l'inedito Mysteria, 'st'ùltemo trazesto cofà singoło.
Tra setenbre e otobre 2016 el grupo el ga publeglà racuanti azornamenti che i conserneva łe rezistrasion de'l só nono àlbun, da'l titoło Dark Matters e drioman publegà el 6 otobre 2017. La sò usida ła ze stà antisipà da sincue singołi : el primo, Paradise, el ze stà rendesto disponibiłe a partir da'l 31 de marso 2017, mentre el 25 agosto A ze stà ła volta de Silver Night; tra il 15 e il 29 setenbra i ze stà publegà pa el download dizitałe Nothing, Wonderman e Something in the Dark.
Inte'l 2018 el grupo el ga promovesto l'àlbun in tour escluzivamente in Europa, oltra ad aver rezo disponibiłe el singoło inedito Holy Grail. L'ano drio i ga invese intraprendesto na tournée spesiałe pontada a sełebrar el cuinto àlbun Dead Letters, par l'ocazion republegà in edision spesiałe.
Singołi inediti, canbiada de formasion, Rise (2021-prezente) El 14 majo 2021 el grupo l'è tornà so łe sene muzegałe co ła publegasion de un singoło inedito intitołà Bones; contenporaneamente A ze stà anunsià na tournée europèa par el 2022. El 3 setenbre de'l mèdemo ano A ze invese venjesto fora el singoło Venomous Moon, reałizà insieme ai Apocalyptica.
El 9 zenaro 2022 el stòrego ghitarista Pauli Rantasalmi el ga anunsià el propio adio da ła formasiuon pur restando in òtemi raporti co i restanti conponenti de'l grupo. A'l só posto A ze entrada Emilia "Emppu" Suhonen, anunsiada el 12 de l'isteso meze in concomitansa co ła conferma dei Rasmus tra i sete artisti partesipanti a l'Uuden Musiikin Kilpailu 2022 co'l singoło Jezebel. In ocazion de l'evento i ze rezultà i prefarìi sia da ła zurìa che da'l tełevoto, deventando de derito i raprezentanti del'Eurovision Song Contest 2022. Inte'l majo sucesivo, dopo èsarse cuałifegà da ła segonda semifinałe de ła manifestasion europèa, el grupo el se ga ezibìo inte ła finałe, ndove che'l se ga piasà a'l 21º posto so 25 partesipanti co 38 punti totałizài.
El 10 zunjo el grupo el ga anunsià el dièzemo àlbun Rise e rezo disponibiłe el singoło omònemo inte l'isteso zorno. Previsto par el meze de setenbre, el disco el venjarà comersiałizà anca soto forma de cofaneto conprensivo de un CD bonus contenjente cuatro brani extra, tra cui i za publegài Venomous Moon e Bones.
Formasion
Atuałe Lauri Ylönen – voce (1994-prezente) Eero Heinonen – baso, cori (1994-prezente) Aki Hakala – bateria (1999-prezente) Emilia "Emppu" Suhonen – ghitara (2022-prezente)
Ex conponenti Jarno Lahti – bateria (1994-1995) Janne Heiskanen – bateria (1995-1998) Pauli Rantasalmi – ghitara (1994-2022)
Cronołozìa Rasmus, The Categoria:Grupi muxicałi finlandexi Categoria:Pàjine co erori inte łe nòde
Discografia Albun in studio 1996 – Peep 1997 – Playboys 1998 – Hellofatester 2001 – Into 2003 – Dead Letters 2005 – Hide from the Sun 2008 – Black Roses 2012 – The Rasmus 2017 – Dark Matters 2022 – Rise
Rancure 2001 – Hellofacollection 2009 – Best of 2001-2009
Videografia 2004 – Live Letters 2012 – Live 2012/Mysteria 2013 – Live 2012/Volume II
Reconosimenti Emma gaala 1996 – Nova band de l'ano 2000 – Mèjo àlbun pop/rock 2001 – Band de l'ano 2001 – Albun de l'ano 2001 – Mèjo àlbun pop/rock 2001 – Canson de l'ano 2003 – Band de l'ano 2004 – MTV's Emma Gaala par el mèjo video 2005 – Video muzegałe de l'ano par Funeral Song 2012 – Mèjo covertina de l'àlbun par The Rasmus 2012 – Mèjo video muzegałe par The Rasmus
NRJ Radio Awards 2004 – Mèjo artista nòrdego 2004 – Mèjo canson nòrdega 2004 – Mèjo artista finlandeze 2004 – Mèjo canson finlandeze 2005 – Mejo band nòrdega
Altro AnnoPremioTitolo1996Finnish Grammy AwardBest New Act1999Finnish Music Video FestivalBest Music Video (Liquid)2002Emma GaalaBest group2002Emma GaalaBest pop/rock album (Into)2002Emma GaalaBest album (Into)2002Emma GaalaBest song (F-F-F-Falling)2003MTV Music AwardsBest Nordic Act2003Hit Music AwardsBest Song (In the Shadows)2004Emma GaalaBest Group2004Emma GaalaBest Album (Dead Letters)2004Emma GaalaBest Music Video (In My Life)2004Emma GaalaBest Act2004TMF AwardsBest Rock2004World Music AwardsBest-Selling Album in Scandinavia (Dead Letters)2004MTV VMA Latin AmericaBest International Rock Artist2004MTV VMA Latin AmericaBest International New Artist2004MTV Russia AwardsBest International New Artist2005MTV Nordic AwardsBest Nordic Act2005NRJ Radio AwardsBest Nordic Act
Notasion
Altri projeti
Linganbi foresti