Par ojo (o ogio) se intende de sołito queło da magnar, che el sia de oliva, de girasołe o da altri semi. Vołendo parò èsare precixi, par ojo se intende un liquido graso, che no'l se pol smisiar co l'aqua; de oji ghe nè diverse sorti: oji grasi, oji esensiałi, oji minerałi.
Oji grasi I oji grasi i xe grasi che a tenperatura anbiente i xe lìquidi. El baso punto de fusion el xe dovudo soratuto a ła quota abondante de açidi grasi insaturi. Oji de łe piante (ołivo, girasołe ecetera): i vien doparà in cuxina e i xe ciamà anca oji da magnare. thumb|Ojo de ołiva Oji de łe bestie (ojo de pese, de fegato ecetera): anca questi i pol esare oji da magnare, ma come quełi de łe piante, i vien anca doparà inte l' industria chimica (lubrificanti, saoni). thumb|left|Ojo de girasołe
Oji esensiałi I oji esensiałi (anca oji eterei) i xe estrati ołeosi, fasiłi a svanpire, che vien da łe piante o da toki de łe piante. A seconda dal tipo de pianta i ga un so odore forte e carateristico. In pràtega i xe costituidi in masima parte da terpeni (par esempio l'estrato de limon).
Oji minerałi I oji minerałi i vien estrati dal petrołio o dal carbon e i xe composti de idrocarburi. Sti oji i vien doparà inte el setore de ła chimica organica soratuto par ła produxion de materie plastiche. Quando che i vien rafinà, i diventa carburanti, ma anca oji conbustibji, oji par motori diesel e oji pesanti. Coi oji minerałi vien fati anca i lubrificanti, che i serve a far in modo che i toki de fero dei ingranagi de łe makine no i fasa atrito sfrisando l'un su l'altro. thumb|Na nave petrołiera Alguni oji vexetali Alguni oji doparai anca in cuxina:
Ojo de argan Ojo de bajiji Ojo de avocado Ojo de cartamo Ojo de coco Ojo de colsa Ojo de copaiba Ojo de jatropha Ojo de behen Ojo de jojoba Ojo de lino Ojo de macadamia Ojo de mandołe Ojo de noxełe Ojo de noxe Ojo d'oliva Ojo de palma Ojo de palma bifrasionà Ojo de palmisto Ojo de pestacio Ojo de riçino Ojo de riso Ojo de rosa rubijinoxa Ojo de sapote Ojo de semi de bajijo Ojo de semi de borajine Ojo de semi de canapa Ojo de semi de coton Ojo de semi de xirasołe Ojo de semi de saturco Ojo de semi di sexamo Ojo de semi di soia Ojo de semi di tabaco Ojo de semi di suca Ojo de graneła de ùa
Categoria:Oji