Ponte San Nicołò el xe un comun de 12031 abitanti de ła provincia de Pàdova.
Aministrasion comunałe
Municipio: Viale del Lavoro n. 1 - 35020 Ponte san Nicolò
Frasion e Ceze Ła frasion cavologo ła xe Ponte San Nicołò, sul fiume Bacajon. La sua Ceza ła xe dedicada a San Nicołò de Bari. La frasion prinsipałe ła xe Roncaja, co ła parocia de San Baxejo. Inte i ùltimi tinpi un quartiér nóvo de Roncaja el gà costruìo na nóva Ceza e dónca el ga fato na nóva parocia, dedicada a San Poldo, santifegà puchi ani prima da Papa Zanìpoło II. Altre frasion łe xe Rio, co ła parocia de Sant'Antonio Abate e Roncajete, frasion stòrega che ła ga na Ceza dedicada al'Asunta famóxa par l'arte e par na stàtua antiga che ogni ano ła vien portada in procesion in ocaxion de ła sagra.
Sanicołéxi famuxi Vive a Ponte San Nicołò du canpiuni ołìnpeghi: Rossano Galtarossa, canoista, el gà partesipà a sinque ołinpìade, portando caxa du brunxi (Barcelona e Atene), n'arxento (Pechin) e n'oro (Sydney), che el vive inte ła frasion de Roncaja; Marco Galiazzo, arzier, el ga vinto l'oro inte el sìngoło a Atene e l'arxento a squadre a Pechin, e'l vive inte ła frasion de Rio.
Evoluzion demografega
Categoria:Comuni de ła provincia de Pàdoa