Наді́я Дьо́лог (10. юнія 1986https://paralympic.org.ua/ua/paralimpijskij-ruh/paralimpijski-litni-igri/perelik-igor/parizh-2024/sklad-komandi2024/fehtuvannya-na-vizkah, Тарасувка) є пудкарпатська украйинська фехтарька, паралімпійка, общественна активістка. Майстрыня спорта Украины межинародного класа. Многоразова світова, европська тай всеукраинська призерка у фехтованьови на колесовых кріслах, чемпіонка Европы тай світа. Сріберна призерка Літньых Паралімпійськых бавищ 2024https://suspilne.media/uzhhorod/835725-ce-istoricna-medal-dla-zakarpatta-sribna-prizerka-paralimpiadi-2024-nadia-dolog/. Ініціаторка тай пудпоровачка многых ініціатив из доступности в Ужгороді.
Животопис Надія Дьолог ся родила у с. Тарасувка (Терешул) Тячовського района. У 1996, кой было юй 10 рокув, упала из черешни тай дустала травму хребта, позад чого ходит на колесовому крісловиhttps://ag.com.ua/success-stories/dostupniy-uzhgorod-vid-nadiyi-dolog_2331/https://www.facebook.com/photo/?fbid=320588871034403. У 2012. рокови пушла жити в Ужгород. Штудовала анґліцьку філолоґію в Ужгородському націоналному університеті — хотіла была вступити на економічный факултет, айбо позад недобрых про маломобілных люди ґарадичув, тай удсутства ліфта туды не пушла; предложеня адміністрації учити ся на деннуй формі, айбо чинити заданя дома Надії не штимовало, зато она вступила на факултет чужоземної філолоґіїhttps://pres.at.ua/news/mrija_stati_paraolimpijskoju_chempionkoju_cil_opanuvati_anglijsku_filologiju/2014-05-19-1111.
У новемброви 2023. рока Надія стала першов выпускницьов автошколы про люди з інвалідностьов у Львовіhttps://t.me/FirstLadyOfUkraine/4464.
Спорт Уд 2012. рока, кой вступила в університет, зачала ся занимати спортом: раз пиля двох рокув паверліфтинґом, а пак уд 2015. рока парафехтованьом. Из паверліфтинґа мала чемпіонство Украины, Кубок Украины тай дустала золото на Чемпіонатови Украины межи здоровыма спортсменами.
Здобытя у фехтованьови на колесовых кріслах
2016 — перша побіда на Чемпіонатови Украины из парафехтованя; 2017 — чемпіонка світа; 2018 — чемпіонка тай бронзова призерка Чемпіоната Европы; 2019 — двараз бронзова призерка Чемпіоната світа; 2021 — сріберна призерка Чемпіоната світа; участниця XVI. Літньых Паралімпійськых бавищах 2020 у Токіови; 2022 — чемпіонка, сріберна тай бронзова призерка Чемпіоната Европы; 2023 — сріберна призерка Чемпіоната світа; 2024 — чемпіонка Чемпіоната світа, сріберна призерка Кубка світа; чемпіонка, сріберна тай двараз бронзова призерка Чемпіоната Европы; сріберна медаль у командному парафехтованьови на шпадах на Літнюй Паралімпіаді 2024 у Парижови.
Общественна діятелность Ги член орґанізації „Мрія в дії“, Надія Дьолог часто дає увагу на проблемы доступности в Ужгороді тай контактує містну власть про рішеня тых проблем. Вдяку юй была проведена читава робота над установленьом и реконструкційов пандусув у вароши. Была реґіоналнов менеджерков „Доступно.UA“ — ініціативы из провіркы доступности населеных пунктув про особ на колесовых кріслах.
Референції