Hackedface (стилізовано ги hackedface) є музичный рокаш, закладеный Максимом Грежинцьом тай Богданом Фединцьом у 2020. році в Ужгороді.hackedface: діяльність гурту, мотиваційний сенс та емоції творчості Рокаш творит головно у жанрі рок.
Музику пишут діґітално, на компютерному софтверови, а пак репетирувут нажыво. На концертах выступавут из сесійныма гудаками. Співанкы hackedface сут у анґліцькому языкови.
Історія
2020–2021: Закладеня тай oxygen Максим Грежинець тай Богдан Фединець ся познакомили через ворошных цімборув — порозуміли, ож обадва ся інтересувут музиков тай рішили вчинити свуй роковый рокаш. Сперед закладеньом hackedface дас рук чинили каверы на Highly Suspect на локалных ужгородськых рок-концертах, хоснувучи назывку Little Ice Age, уєдно з тым учачи ся писати свою музику.
Першым выступом hackedface став проєкт „Інтерсіті 3.0“ уд радіа „Єден“ тай Телебачення Торонто у 2020. рокови, про котрый рокаш доробив єден из свойих демо-трекув; позад інтереса публікы тоту співанку пак упустили пуд назывков „oxygen“. По сьому рокаш пушов на гіатус, бігом котрого Грежинець зарабляв гроші на інструменты тай апаратуру, а Фединець учив ся робити у проґрамі на написаня музикы — секвенсерови, тай кунчав університет.
2021–днесь: Nonamedvizh, optional/mandatory, SEASHELL На варошськуй сцені hackedface у 2021. рокови стали спувзакладателями проєкта Nonamedvizh, концепція котрого лежит у тум, обы дасти можность выступати місным гудакам тай популаризовати нові рокаші. Проєкт діє и доднесь тай занимат ся орґанізаційов локалных концертув, на котрых выступавут як самі hackedface, так и другі ужгородські исповнителі тай рокаші: Sugar Honey Iced Tea, Siberian Sun, Surreal, Cosmic Rain, DJ Eshka тай другі. Пораз на сценах концертув проєкта ся появлявут и рокаші из другых области Украйины, такі ги віниицькі Sick Solution тай тернопільські KILL! KILL! KILL!.
У осени 2023 выпустили EP „optional/mandatory“, до котрого выпущали сінґлы „optional/mandatory“, „color“ тай „noname rockstar“.
У 2024. рокови дустали май шыроку популарность, як по Украйині, так и за гатаром: трафили у януарови того року на BBC Radio 1 у проґрамі Introducing Rock with Alyx Holcombe из треком „color“ тай пак у авґустови выступили на благодійному фестивальови „Faine Misto: Земля майбутніх легенд“ у Львові.
У януарови 2025. року пушли у свуй першый власный тур Украйинов из EP „SEASHELL“, из котрого рокаш сперед тым давав сінґлы „but wait…“, „live like a saint/die like a sinner“ тай „coffee latte“.
Дискоґрафія
EP НазывкаРукДовготаoptional/mandatory202315:32SEASHELL202517:28
Референції
Катеґорія:Ансамблы