Четово, або ЧетфолваКарпаторусинскі поселеня // Лішта сел и варошув у Централнуй Европі, де днесь бывавуть вадь даколы бывали Карпаторусины // Кроатика – Будапешт, 2021 ( Четфалва, Csetfalva) — село в Береговском районѣ Закарпатской области Украины.
Полога Лежить на правом березѣ Тисы. Од Берегова оддалене о 15 км на восток, од Виноградова о 17 км на запад-югозапад.
Обывательство В року 2001 подля списованя в селѣ жило 755 особ, котрых материнскый язык быв:https://socialdata.org.ua/projects/mova-2001/ Рідні мови в об'єднаних територіальних громадах України ЯзыкОсоб%%мадярскый73597.3%украинскый182.4%русскый20.3%Укупно755100% Обывателѣ села, в основному, заняты земледѣлством: вырощують розсаду, грядковы културы и садовину; держать маргу, свинѣ, домашну птицю. В селѣ розвивають мѣстный туризм. На днесь 15 сельскых порт принимають туристы, якы ту стрѣчають привѣтну гостювливость и знакомляться з мѣстныма традициями.
История Село найскорше упоминать ся в документѣ року 1341 як villa Chet.По латинскы: Четово сельске газдовство.Sebestyén Zsolt 2020 Тота назва, найправдоподобнѣйше звязана з именом первого газды — Чет. Його особа непозната, але подля тутешньой легенды тото быв хромый слуга едного з послѣдных пановникох династии Арпадовцьох (889–1301), котрый достав тот дар за вѣрну службу.
Зато же село лежить на самой граници историчной жупы Берег, оно од 15. стороча (1455, 1475) доставать до назвы придаток -falva, характерный про сосѣдну историчну жупу Угоча — Четово село.Sebestyén Zsolt: A történelmi Bereg megye -falva utótagú helységneveiről (PDF).
В чехословацкой добѣ (1919–1938) мало назву Četovo, Csetfalva. Подля списованя з року 1930 зоз 554 обывательох были 458 Мадяре, 15 Русины, 13 Чехы и Словакы, 12 Евреи, 56 чужоземцѣ (без чехословацкого горожанства). Религийна громада евангелистох числила 359 вѣрникох а мала муровану церьков од року 1753. В селѣ была мадярска школа (2 класы).Достал, с. 30.
В року 1946 село достало официалну украинизовану назву Четове, а в року 1995 вернули му историчну мадярску назву.
Днешность В року 2001 закончена выставба католицкого храма в центрѣ села, котрый служить римо- и грекокатоликам. Село мать: фелчарско-акушерскый пункт; пошту, мадярску школу І-ІІ ст. (1–9. класы); мадярскоязычну дитячу захоронку; селску библиотеку, селскый клуб; пять АВС-бовты, двѣ каварнѣ-бары. Число обывательох чинить 760 особ, 99% Мадяре 1% иншы.
Жерела
Ярослав Достал. Підкарпатська Русь (Закарпаття періоду Чехословацької Республіки: 1919 - 1938 pp.) Путівник-довідник. Ужгород: Карпати, 2014. - 312 ст. ISBN 978-966-671-374-5
Референции
Катеґорія:Населены пункты Закарпатской области Катеґорія:Населены пункты подля алфавиту Катеґорія:Села Україны Катеґорія:Населены пункты Украины