Володимир Бѣланин, Володимир Біланін,Подля П. Чучкы, тото суржикова форма, котрой «правилне» написаня Біланин, походить з Межгорщины и Пряшовщины. (, Нова Бовтрадь, Береговскый округ, Подкарпатска Русь, Чехословакия – , Ужгород, Закарпатска область, Украина) — быв организатор промыслу, русинскый активиста, меценаш русинской културы.Юрій ШиповичМихайло Папіш
Походжѣня Быв сыном Федора Бѣланина, незаможного обывателя высокогорского села Синевирска Поляна, Воловского округа Подкарпатской Руси в Чехословакии, котрый, жебы заробив на прожитя родины, через довгы 12 рокы робив в Чикагу, США. Як ся вернув, уже мав за што купити телек в новоствореной в року 1927 русинской колонии Нова Бовтрадь на землях вычищеных од лѣса, перед тым належного мадярскым землепанам. Ту, на новы газдовства, селили ся люде з Волового, Свалявы, але ай тячовскы и и березнянскы. Чехы поклали в селѣ народну школу з квартельом про учителя. Школа была зроблена добротно, так же файно служить доднесь, было ай фотбалове поле и силна дружина. В року 1939 вернули ся Мадяре, але у народной школѣ и надале дѣти ся учили в народном карпаторуском языку.
Штудии По народной школѣ в Бовтради по традиции дале ишли ся учити векшинов до русской гимназии в Мукачовѣ, а многы при Чехах выштудовали Карлову универзиту, а при Мадярах — Будапештску. У Володимира Бѣланина склало ся иншак. На тот час Подкарпатска Русь перешла под совѣтску административу, а отець му при колективизации зрек ся властного газдовства и пошов робити на фабрику до Берегова. Жили пребѣдно. Сѣмрочну школу Володимир закончив у Батьовѣ, а до школы му давали здому на тыждень два литры молока и пять мелайных богачи. Дале до середньой школы ходив до Берегова. В тых мадярскых осадах видѣв, як арештовують и одсылають до лагрох мѣстне обывательство и зачав о том говорити, за што трафив под дозор беспекы. Наивно утѣк од того до Ужгороду, але там го до школы не взяли. Закончив середню школу в Довгому, де достав бываня и кост задармо в интернатѣ. Дале во Львовѣ Лѣсотехничный инштитут, Политехнику (машинарска факулта), и як молодый фахман быв загнаный на роботу до Кемерова.
УЕЗНО и русинска култура По року удало ся му достати дозвол и вернути ся до родного краю, де на зачатку працовав в Межгорскому лѣспромгоспѣ, а пак му довѣрили створѣня Ужгородского експерименталного завода нестандартного обладунку, директором котрого быв 50 рокы за рядом и тримав ся у когортѣ найлѣпшых ведучых города и области. Як было звыком в той добѣ, быв при заводѣ и аматерскый фолклорный колектив, котрый хранив и представляв русинску културу. По року 1989, коли ся обродив русинскый дух, активно помагав выдавати русинскы книгы и новинкы, розвивати русинску телевизию.
Жерела и одказы
Референции
Катеґорія:Русиньскы народны дїятелї Катеґорія:Меценашы