Максимилиан Волошин, Максимилиа́н Алекса́ндрович Воло́шин; правдиве призвиско — Кирие́нко-Воло́шин; , Киев, Россия – , Коктебель, РСФСР — русскый и совѣтскый поет, литературознатель и малярь.Синявский А.Тахо-Годи Е. А.
Биография Походив з немешской родины. Закончив гимназию в Феодосии и зачав ся учити на правничой факултѣ Московской универзиты (1897), але быв выказаный за участь в штудентскых безпорядках (1899).Одышов за границю, од року 1901 жив переважно в Парижу, слухав лекции в Сорбоннѣ и высшой школѣ сполоченскых наук, писав корешпонденции до российскых новинок и часописох, писав поезии и мальовав. Быв под вплывом французскых поетох и малярьох-импресионистох.
В року 1903 купив фундуш в Коктебелю на Крымѣ и поставив там хыжу, котру хосновали спочатку лем влѣтѣ, а пак од року 1917 ся стала его сталым бывалиском и културным центром, де ся зберали поеты и малярѣ. В часѣ револуций и домовой войны, коли на Крымѣ часто мѣняла ся влада, во своем домѣ укрывав и «бѣлых», и «червеных», принимаючи револуции и войны як нещастя России, котрое она не може обминути. В том го подтримовала и его друга жена, Мария Заболоцка. В року 1931 в тестаментѣ одказав свой дом Сполку писательох. В сучасности там музей.
Умер на запал плюц. Погребеный, як одказовав, на вершку надморского груня Куячук-Янышар.
Творба Перекладовав французскых поетох. Властна поезия Волошина обсягуе мотивы контемплации природы, роздумы над ходом истории, трагичныма судьбами днешнього чоловѣка и судьбами давных култур. Материална дотыкалность, предметность зображѣня ся складовала у Волошина з «ажурностьов» поетичного слова, конкретность — зоз символиков. Свой штил Волошин означовав як «неореализм», што злучив символизм з импресионизмом. Сучасну добу Волошин ся усиловав зображовати якбы крозь мгелку истории, «из перспективы иншых стороч», поважуючи тото важным про умѣлецке виджѣня. Выдав тыж вельо статей о културѣ и умѣню.
Як малярь найвеце познатый своима крымскыма акварелами. Од року 1912 быв участником малярскых выстав.
Жерела и одказы
Референции
Катеґорія:Поеты России Катеґорія:Русскоязычны поеты Катеґорія:Маляре