Языко́вый пури́зм од purus чистый — усилованя захранити литературный язык в нерушаном видѣ, идеализация его чистоты, яко высшой вартости, бой против неологизмох и чужоязычных позычань, недопущаня в литературный язык новот, ненормованых лексичных и граматичных елементох (простой бесѣды, диалектизмох, професионализмох), субъективно приймованых за псутя языка.Большая российская энциклопедия
Характерны стороны Позитивныма сторонами пуризма мож поважовати стараня о розвой своефайтовости народностной културы, черпаня зоз богатых жерел родного языка, его лексико-семантичных и словотворных ресурсох. Негативны стороны пуризма суть: субъективность его прихылникох, неисторичность, нерозумѣня процеса розвою языка.Левитская Л. С.
Пуризм годен быти ретроспективный (при одмѣтаню новых фактох признавать то, что уже закрѣпило ся в языку) або твердо конзервативный (нетерпить ани освоены и хоснованы позычѣня, усилуе ся их вымѣняти новотворами зоз родных морфем и флексий).
Пуризм характерный про добу формованя народностных литературных языкох, указуе ся тыж в часах важных сполоченскых подѣй (демократичных рухох, револуций, войн и т. п.) и звязаных з нима вызнамных перемѣн в языку (переважно в лексицѣ), коли язык скоро и на очох ся мѣнять, вбираючи много позычѣнь, неологизмох, штилистичных новот и т. п.
См. тыж Давид Сабов Барцафалви
Жерела и одказы
Референции
Катеґорія:Лінґвістіка