Джа́нни Рода́ри, Gianni Rodari, повным именом Джова́нни Франче́ско Рода́ри, Giovanni Francesco Rodari; , Оменья, Пьемонт, Италия – , Рим, Италия) — италиянскый дѣточый писатель, приповѣдкарь и новинарь.Кцоєва І.

Джанни Родари быв вызнаваный як еден з найлѣпшых дѣточых авторох Италии. Быв тыж политично активный, працуючи колумнистом в L'Unità (Еднота) и редактором Il'Pioniere (Пионер), итальянской дѣточой новинкы про дѣти з родин лѣвицьовой ориентации.Encyclopedia.com

Биография ШколыПоходив з родины пекаря, од его другой жены. Быв слабушковатым, малой поставы и несмѣлым дѣтваком и найрадше контактовав зо своим о рок молодшым братом, Чезаре. В Оменьи закончив четыри класы зачаточной школы. Отець му умер, коли хлопець не мав ани десять рокы. Мати продала пекарню и в року 1930 вернула ся з дѣтми до родного мѣстечка Гавирате в провинции Веронезе. Ту закончив пяту класу елементарной школы, в августѣ року 1931 мати го записала до католицкой семинарии в провинции Милано, але в року 1934 перевела до учительской семинарии в Гавирате. Уже од зачатку указав велми добры успѣхы в науцѣ, так же годен быв скорше поступити до высшого рочника. В року 1937 екстерно склав абсолвентскы испыты и зыскав магистерску диплому, з котров мог працовати яко учитель зачаточной школы.Официалный сайт: биография

Учительство, новинарство, литератураЕще в року 1936 опубликовав восѣм повѣдань в католицком тыжденнику L'azione giovanile (Акция молодых). В року 1939 записав ся на филологию до Католицкой универзиты Святого Сердця в Миланѣ, але неодовго лишив штудии и учительовав по розличных мѣстах в провинции Веронезе. Много читав и выясняв собѣ виджѣня свѣта од Ницше, Штирнера, Шопенгауера, Ленина, Сталина и Троцкого. Коли в року 1940 Италия вступила до войны, не быв мобилизованый як нездалый про военску службу. В року 1941 выграв конкурз на добре учительске мѣсто в Уболдо, а жебы удержав собѣ то мѣсто, вступив до фашистичной партии. Але по драматичных подѣях войны: окупации Италии нацистичнов Германиев, смерти двох его близкых приятельох и запертю его брата Чезаре до нѣмецкого концентрака, придав ся ку рухови одпору, а в року 1944 вступив до комунистичной партии. Нараз по войнѣ быв покликаный на мѣсто редактора журнала Ordine Nuovo (Новый порядок), а в року 1947 до миланской редакции комунистичной новинкы L'Unità (Еднота), де пройшов путь од репортера до властного корешпондента. В том часѣ зачав тыж публиковати дѣточы повѣданка, зашто в року 1950 быв покликаный до Рима за редактора дѣточого тыжденника Il'Pioniere (Пионер), котрого перве число вышло 10. септембра 1950. В року 1952 выбрався до Москвы на перву з его многочисленых далшых визит. В року 1953 ся оженив з Мариев Терезов Феретти, з котров мав дѣвку Паолу (*1957). В року 1957 склав испыт професионалного новинаря, а од 1. децембра 1958 перейшов до независимой новинкы Paese sera (Вечерный Паезе). Одтогды и до конця живота працуе як непартийный политичный новинарь и автор дѣточой литературы. Умер в Римѣ наслѣдком неподареной хирургичной операции на венах.

Творба Джанни Родари называв свои стишкы словом филастрокке, што в традичном италиянском дѣточом фолклорѣ означать и забавный стишок, и рахованку, и колысанку. Автор створюе фантастичны сюжеты, в котрых фантастика ся перемѣшуе з реалностьов, абсолутнов сучасностьов днешного живота. Серйозны думкы подавать в порозумѣлой формѣ, через визуалны образы, поровнаня, доступны дѣточому вниманю. Майстерно споюе социалну сатиру и оптимистичне виджѣня свѣту, гумор и мудрость, живу бесѣду и мягку спѣвность. Его стишкы ся легко затямлюють.Потапова З. М.

З дѣточой прозы найвеце позната казка Il romanzo di Cipollino (Пригоды Цибулькы, 1951), в котрой так исто переплетены фантазия и реалии сучасной Италии, гумор и социалны темы — хлопчик-цибулька вандруе приповѣдковов краинов, заступаючи ся за худобных, боюючи з притѣснителями.

Писав и реалистичну прозу, як повѣсть Piccoli vagabondi (Маленькы волочугы, 1981) з живота южной Италии.

Оцѣнѣня Многочислены книгы про юных читателей были перекладены на иншы языкы и принесли авторови множество главных наград Италии и меджинародных: Premio Prato, 1960, за Filastrocche in cielo e in terra (Стишкы в небесах и на землѣ, 1960); Premio Castello, 1963, за Gip nel televisore (Джип в телевизорѣ, 1962); внесеный до Списку чести Меджинародного бюро дѣточой книгы (IBBY), 1964, 1968; титула найрекомендованѣйшого кандидата на Медалию Ганс Кристиан Андерсен, 1966; Premio Europa Dralon, 1967, за La torta in cielo (Торта в небесах, 1966); Premio Castello, 1968, за La torta in cielo (Торта в небесах, 1966); Premio Rubino, 1968, за Il libro degli errori (Книга хыб, 1964); Медалия Ганс Кристиан Андерсен, 1970.

Честь памяти В Оменьи на стѣнѣ дома, де родив ся Джанни Родари, умѣщена памятна табла, а тыж в городѣ его имя несе площадь — Пьяцца Джанни Родари. На его честь названа планетка (2703) Родари.

Жерела и одказы Кцоєва І.: Родарі Джанні //Зарубіжні письменники. Енциклопедичний довідник у 2 т. / За ред. Н. Михальської та Б. Щавурського. — Тернопіль : Навчальна книга — Богдан, 2006. — Т. 2 : Л — Я. Сc. 432–433. Потапова З. М.: Родари //Краткая литературная энциклопедия / Гл. ред. А. А. Сурков. — М.: Сов. энцикл., 1962—1978. Т. 6. — 1971. — Сc. 322–323. Одчитане 2020-10-17

Референции

Катеґорія:Приповѣдкарѣ