Ференц Козма з Левелду, Leveldi Kozma Ferenc, *26. фебруар 1857, Марцали – †4. май 1937, Будапешт — вояк, мадярскый поет, познатый под писательскым псевдонимом Миклош Бард, Bárd Miklós (або в русинскых перекладах Николай Бард).Kenyeres Ágnes
Род и военска карьера Походив з давного задунайского рода Козмох з Левелду, сын Шандора Козмы (1825–1897), даколишного кральовского прокурора. По закончѣню середньой школы, в року 1875 записав ся на будапештску техничну универзиту, але в року 1878 лишив универзиту на хосен военской карьеры и став на службу в 16. гусарьском полку, де в року 1880 аванжовав на поручника. В роках 1895 – 1905 в шаржи сотника служить в 10. гусарьском полку яко велитель жеребчинця в Турѣх Реметах, туй досяг позарядовых резултатох при далекых конных марш-скоках. В роках 1905 – 1907 служить в шаржи майора в Надькерешу, затым в жеребчинцю в Фегерашу. Révai nagy lexikona, том 2, с. 604. В року 1918 пензионовав в шаржи генерала. Його сын, Миклош Козма (1884–1941) быв регентскым комисарьом Подкарпатя в роках 1940–1941.Marosi Anita
Поетична дорога Уже яко штудент зачав писати вершы под псевдонимом Калман Римай, Rimay Kálmán. Пак на довжый час перестав писати. Од року 1895 десять рокы служив яко сотник. В тых роках трафив до Турѣх Ремет в жупѣ Унг. Подля его властных слов, аж тогды родив ся як поет з новым псевдоним Миклош Бард. Карпатскы лѣсы оспѣвуе як свою отцюзнину, красне Невицке з гордым замком над ужансков долинов, много раз нападанов, але мало коли завойованов.
В року 1904 быв принятый членом престижного литературного Товаришства Кишфалуди. Його поезия конзервативна, захватуе го тема войны, з горькостьов не принимать револуцию и Мадярску Совѣтску Републику.
Жерела и одказы Révai nagy lexikona, 2. köt. Révai Testvérek Irodalmi Intézet Részvénytársaság, Budapest. 1911.
Референции
Катеґорія:История Подкарпатя Катеґорія:Мадярскы поеты Катеґорія:Поеты Мадярщины