Паннония, Pannonia, провинция Старовѣкого Рима, ограничена на сѣверѣ и востоку Дунаем, на югу — Савов, на западѣ — Норицкыма Алпами ( Norische Alpen).Обнорский Н.П., Ястребов Н.В.: Паннония. Городы Паннонии Город Днешня назва Держава Aquincum Budapest Мадярщина Brigetio Komárom Мадярщина Carnuntum Bad Deutsch-Altenburg Австрия Emona Ljubljana Словения Mursa Osijek Хорватия Noviodunum Drnovo Словения Poetovia Ptuj Словения Savaria Szombathely Мадярщина Scarbantia Sopron Мадярщина Serbinum Bosanska Gradiška Босния и Герцеговина Sirmium Сремска Митровица Сербия Siscia Sisak Хорватия Vindobona Wien Австрия
История Панония простерала ся на териториях днешных Австрии, Мадярщины, Сербии, Словении, Хорватии.
В I. сторочу до н. е. територию завоевав цѣсарь Октавиан Август и зробив з ней провинцию Паннония (9 до н. е.). Римске панованя держало 400 рокы. В роках 535–565 Паннония была под владов Лонгобардох, по одходѣ котрых пришли Авары.
В провинции мали проблемы з повстанями покореных мѣстных обывательох и з непрестанныма нападами варварскых племен, зашто мусѣли там держати войско. З административных и военных причин около року 106 цѣсарь Траян роздѣлив провинцию на Горну Паннонию, Pannonia Superior (западны 2/3), и Дольну Паннонию, Pannonia Inferior (восточна 1/3). При цѣсари Диоклетианѣ кажда з двох части была еще раз роздѣлена надвое. Часть меджи Дравов и Савов достала назву Савия, часть за Балатоном — Валерия (на честь дѣвкы Диоклетиана), иншы — Паннония Перва и Друга.Pannonia. //Révai nagy lexikona.
За аварского панованя, од VI. стороча в Паннонию зачинають приходити Славяне. По переможѣню Аварох панами Паннонии стали ся Франкы.Pannonie. // Ottův slovník naučný
Около року 840 краль Франкох Лудвик I. Благочестивый удѣлив южну часть Панонии моравскому князьови Прибинови. Держава Прибины занимала велику часть днешной Мадярщины, в року 860 перебрав ю его сын Коцел, котрый пановав до року 874.
В конци IX. стороча в Паннонии запановали Мадяре и одтогды упоминкы о ней в истории заникли.
Жерела и одказы Pannonia. //Révai nagy lexikona. 15. köt. Révai Testvérek Irodalmi Intézet Részvénytársaság, Budapest. 1922. Сс.149–150. Обнорский Н.П., Ястребов Н.В.: Паннония. //Энциклопедический словарь Брокгауза и Ефрона, т. XXIIa (1897): Оуэн — Патент о поединках, с. 700–701. Pannonie. // Ottův slovník naučný. Illustrovaná encyklopaedie obecných vědomostí. Díl 19. Vyd. J. Otto. V Praze, 1902. С. 151.
Референции
Катеґорія:Историчны области Австрии Катеґорія:Историчны области Мадярщины Катеґорія:Историчны области Сербии Катеґорія:Историчны области Словении Катеґорія:Историчны области Хорватии