Василий Такач, Basil Takach, *27. октобер 1879, Вучково, жупа Мараморош, Австро-Мадярщина – †13. май 1948, Питтсбург, Пенсилвания, США — грекокатолицкый священик и первый епископ Русинской Грекокатолицкой Церкви США.Маґочій П. Р.
Биография ШтудииПоходив зоз священицкой родины.Bishop Basil Takach. Абсолвовав Унгварску грекокатолицку богословску семинарию. 12. децембра 1902 высвяченый за священика епископом Юлием Фирцаком в Мукачовской епархии. Служба в краюПо девятьох роках службы парохом быв менованый на административну службу до Унгвару: ревизором епархиалного банка, выконным директором выдавательского АД Унио, префектом конвикта Алумнеум (1911–1918), а по войнѣ достав еще вызнамнѣйшы позиции духовного наставника семинарии и професора богословия, члена манжелского трибунала и епархиалного радника (1919–1924). За свою честность, одданость и доброту быв меджи найвеце любленыма и честованыма священиками Мукачовской епархии. В америцкой мисии8. марца 1924 Свята Столиця нечекано выголосила створѣня двох грекокатолицкых екзархатох в США. Отець Василий Такач быв менованый за епископа емигрантох карпаторусинскых, мадярскых, словацкых и хорватскых, другый екзархат быв про емигрантох украинскых, а там быв менованый отець Константин Богачевскый з Галичины. Обое были высвячены на епископох 15. юна 1924 в Римѣ, а 13. августа 1924 прибыли до Ню Йорка. Отець Василий Такач служив на том посту 24 рокы оддано, терпезливо и одушевнено. Умер на раковину.
Роскол грекокатолицкого екзархата В Америцѣ отець Василий Такач став перед новов проблемов. Там над Грекокатолицков Церквов доминовала Римокатолицка, котра выступовала против восточного обряда и традиций, окреме против права грекокатолицкых священикох быти женатыма. Подкарпатскы грекокатолици стояли за свои права заховати собѣ старый обряд и традиции, котры права им были гарантованы при их вступѣ до унии (Унгвар, 1646). Ватикан схвалив декрет о повинности целибату в року 1890 и потвердив в року 1907 (Ea Semper). Але тото ся не додержовало: женаты грекокатолицкы священици приходили з родинами з Европы, ай епископ Василий Такач высвячовав молодых женатых мужох на священикох в первы рокы свого епископства. Коли в року 1929 быв схваленый третий декрет о повинности целибату (Cum Data Fuerit), епископ Такач мусѣв ся тому подрядити. Наслѣдком того став ся роскол, а часть грекокатолицкых священикох и вѣрникох перешла до Православной Церкви, веденой епископом Алексием Товтом, наконець в року 1936 еще една часть створила нову Карпаторуску православну грекокатолицку диецезию (Джонставн, Пенсилвания), и ей первый епископ Орест Чорнок быв в року 1938 высвяченый константинопольскым патриархом.Magocsi, Paul Robert, сс. 305–307.
Жерела и одказы Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. Маґочій П. Р.: Такач Василь (Takach Basil). //Енциклопедія історії та культури карпатських русинів. Укладачі Маґочій П.Р., Поп І. — Ужгород: Вид-во В.Падяка, 2010. — 856 c.+ХХХІІ с. С. 721.
Референции
Катеґорія:Грекокатолицкы епископы