Емил Балецкый ( Baleczky Emil, *21. фебруар 1919, Гукливый, Руська Крайна, Перва мадярска република — †22. децембер 1981, Будапешт, Мадярщина) — лингвиста, педагог, поет, перекладатель, писатель на Подкарпатской Руси и в Мадярщинѣ.Капраль М.Baleczky Emil, nyelvész, műfordító //NévpontПетер М.
Биография Штудии Емил Балецкый походив з родины желѣзничаря, де говорили и по мадярскы.Medve Z. Закончив Мукачовску русску гимназию (1937), професорами там были в значной мѣрѣ емигранты з России. В гимназии добрѣ ся научив русскый язык, под проводом А. Карабелеша зачав писати поезию по русскы, выступивши в очах колег як poeta doctusлат. майстровскый поет и, еще 17-рочный, выдав свою книжочку Вербный трепетъ (1936). Зачав ся учити славистику на Карловой универзитѣ (1937–1939), а по навернѣню Подкарпатской Руси ку Мадярскому кральовству (1939) продовжив на Будапештской универзитѣ, де его професорами были Янош Мелих и Иштван Кньежа. В року 1943 обгаив докторску дисертацию з оцѣнѣньом summa cum laude и неодовго достав мобилизачный росказ до мадярского войска.
Войско В часѣ войны в роках 1943–1945 служив в мадярском войску. В зачатку рока 1945 в западной Мадярщинѣ удало ся му перейти на совѣтску сторону. Дале служив в Червеной армадѣ яко товмач на мадярской и австрийской територии, и се помогло му обыйти репресии, котры лютовали в Ужгородѣ против тых, што «служили фашистскому мадярскому режиму», а так и засуджѣня. В септембрѣ 1945 быв демобилизованый з Червеной армады и посланый до русской редакции заграничного высыланя Мадярского радия, де служив до року 1949 яко редактор, а в роках 1949–1951, як шеф оддѣла и директор.
Научна карьера Паралелно з роботов на радию в роках 1946–1950 быв практикантом без платнѣ при Славянском инштитутѣ Будапештской универзиты (ELTE BTK Szláv Filológiai Intézet), вдякы рекомендации од Иштвана Кньежи. В року 1951 достав пост ведучого катедры русского языка при Инштитутѣ чужых языкох и, едночасно, доцента Русского инштитута универзиты. Од конця року 1952 — ведучый катедры русского языка Ленинового инштитута (ELTE Lenin Intézet), а од року 1965, цѣлы шѣстнадцять рокы незмѣнный ведучый катедры русской филологии на историко-филологичной факултѣ универзиты Лоранда Етвеша (ELTE BTK Orosz Filológiai Tanszék).
Творба Писательство Зачав писати по русскы, але од року 1941 активно сполупрацовав з Подкарпатскым обществом наук и его выданями, котры усиловали ся выпрацовати властный русинскый язык.Поп И. Од року 1943 лишив писательство.
Славистика Емил Балецкый быв од зачатку найвызнамнѣйшым зачинательом мадярской русистикы и организатором выукы высококвалификованых филологох-русистох. Быв вицепрезидентом мадярской секции Меджинародной асоциации професорох русского языка и литературы (МАПРЯЛ), редактором научных выдань STUDIA SLAVICA и STUDIA RUSSICA. Основными сферами его научных интересох была диалектология и исторична лексикология, много робот суть в области карпатской ареалной лингвистикы.
Жерела и одказы Medve Z. Baleczky M. //Medve Zoltán: Petőfi a ruszin nép nyelvén. Nyíregyháza. Kiadja a Nyíregyházi főiskola, 2005. Сс. 73–74. Петер М. Эмиль Балецкий (1919--1981). Studia Russica 4 (1981) Сс. 399--401. (некролог) Капраль М.: Балецький Еміліан. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. С. 37. Поп И. Энциклопедия Подкарпатской Руси. Ужгород: Изд-во В.Падяка, 2001. 431 с. Сс. 81–82. Эмиль Дмитриевич Балецкий. //Балтославика Одчитане 16-02-2019 Baleczky Emil, nyelvész, műfordító //Névpont Одчитане 16-02-2019 Емил Балецкый: На своих крылах (з русинской творбы)
Референции
Катеґорія:Перекладателе Катеґорія:Педаґоґы Катеґорія:Русиньскы лінґвісты Катеґорія:Русскоязычны писателе Катеґорія:Русскоязычны поеты Катеґорія:Русиньскы писателї