Ладислав Мнячко (*29. януар 1919, Валашске Клобоуки – †24. фебруар 1994, Братислава) быв словацкый писатель и всесторонный публициста, найвецей перекладованый словацкый писатель, чии книгы вышли в 26 языках.
Биография Дѣтство и молодость пережив в Мартинѣ, выучив ся за апатикаря и продавав в апатицѣ. В року 1939 по розбитю Чехословакии пробовав утѣкнути раз до СССР, а пак на Запад. При пробѣ перейти границю райха быв арештованый и посланый до концентрачного лагра на нучены роботы. З лагра ся му подарило утечи, вернув ся на Мораву и брав участь в партизанском руху. По войнѣ вступив до комунистичной партии и в роках 1945–1953 быв ангажованый во ведучых комунистичных новинках Руде право (редактор) и Правда (новинарь), а в роках 1954–1966 — быв корешпондентом во многых европскых и азийскых штатох.
Але з часом стратив ентузиазм ку комунизму и став ся его противником, за што быв перзеквованый. По интервенции Варшавского пакта до Чехословакии Мнячко емигровав до Австрии 28. августа 1968, подля его слов, навсе ся вылѣчив з илузии о приятельствѣ и союзництвѣ зо Совѣтскым Союзом. Оселив ся недалеко од чехословацкой границѣ, на што комунистична влада реаговала истерично: быв збавленый гражданства, вылученый зо Сполку писательох, его книгы были заказаны, одобраны з библиотек и продажу, его имя было вычищено з учебникох. По падѣ комунистичного режима в року 1989 вернув ся до Чехословакии.Mikuláš Jesenský.
Быв против роздѣлу Чехословакии, а як ся тото стало, в року 1993 одышов навсе до Прагы. Умер в часѣ куртого визита до Братиславы.
Творба Мнячко найвекшу познатость зыскав автобиографичным романом Смерть ся кличе Енгельхен (1959) о партизанском одбою в часѣ Другой свѣтовой войны. Роман вышов в 15 языках, в том числѣ по англицкы (1961).Ladislav Mňačko. //Osobnosti.sk
В зачатку 1960-х рокох описав закулися инсценованых политичных процесох 1950-х рокох, в котрых чужов силов быв знищеный живот 11 чехословацкых штатникох.Ladislav Mňačko. //LITERÁRNE INFORMAČNÉ CENTRUM. Вызнам той зберкы репортажных портретох (Опозднѣлы репортажѣ) быв поровнаваный з книгами А. Солженицына.Jan Gazdík.
Жерела и одказы Князькова В. С.: ЛАДИСЛАВ МНЯЧКО - "ЧЕХОСЛОВАЦКИЙ СОЛЖЕНИЦЫН" //Филологические науки. Вопросы теории и практики. Тамбов: Грамота, 2016. № 5. Ч. 3. Сc. 20-25. ISSN 1997-2911. Доступно онлайн Jan Gazdík: Měl talent od Boha, říká autor monografie o Mňačkovi. //Aktuálně.cz, 21.12.2013 (ФОТО) Ladislav Mňačko. //LITERÁRNE INFORMAČNÉ CENTRUM Informácie zo súčasnej slovenskej literatúry Ladislav Mňačko //Osobnosti.sk(archived) Mikuláš Jesenský: Štát terorista zabíjal a unášal aj vlastných. //SME Domov, 7. нов. 2009
Референции
Катеґорія:Словацкы писателе Катеґорія:Словацкы драматици