Мартин Райл, Sir Martin Ryle; *27. септембер 1918 — †14. октобер 1984; — британскый астроном, член Лондонского кральовского общества од року 1952. Абсолвовав Оксфордску универзиту. В року 1948 объявив могутне жерело космичного радиозарѣня в конштелации Кассиопея. Лавреат Нобеловой награды з физикы, 1974.Украинский советский энциклопедический словарь, том 3, с. 39. Нобелову награду роздѣлив зо своим колегом, Антони Гевишом.Sir Martin Ryle — Facts. Тото была перва в истории Нобелова награда за астрономичны объявлѣня.
Новаторство Нобелова награда была признана за «новаторскы выгледованя в радиоастрофизицѣ и вынайджѣня, найпаче за метод апертурной синтезы». Астрономичны тѣлеса емитують не лем свѣтло, котре видиме, але и радиоволны. Райл в зачатку 1940-х сконштруовав радиотелескоп, пак звязав до едного комплекса даколько такых телескопох, оддаленых од себе на километры. Такый комплекс мав роздѣлчу силу таку, як бы мав имагинарный телескоп з объективом даколькокилометрового диаметра. Пак в 1960-х еще поклав такы радиотелескопы на штреку 1.6 км довгу, а вшитку громаду мѣрянь котра пришла з розличных точок, обробляв з помочов компютерох. Тото дало можность выявити такы астрономичны тѣлеса, котры дотогды наука ани не познавала, и «видѣти» так далеко и остро, як нигда перед тым.
Карьера В року 1939 закончив науку на Оксфордской универзитѣ и в рокы войны конштруовав радаровы и радиовы системы про Кральовскы Воздушны Силы. По войнѣ в Кевендишской лаборатории в Кембриджу занимав ся выпрацьованьом новаторскых техник и методох радиоастрономии: радио-интерферометра и апертурной анализы. В року 1957 на основѣ тых была выбудована Муллардовска радиоастрономична обсерватория, котрой ся став директором. В року 1959 объявили первый квазар, а в року 1967 — первый пулзар.Nobel-winners: Sir Martin Ryle.
В року 1959 радиоастрономия была признана як наука и отворили катедру радиоастрономии, котрой став на чолѣ. В року 1966 быв врученый в рыцарство, а в року 1972 достав пост Кральовского Астронома, котрый занимав 10 рокы.
Вызнаменаня Награды и честне членство: 1952 член Лондонского кральовского общества 1954 Медаля Хюза, Лондонске кральовске общество 1963 Медаля Ван дер Пола, Меджинародна Уния Радиовых Наук 1964 Золота медаля, Кральовске Астрономичне Общество, Лондон 1965 Медаля Генри Драпера, Академия Наук США; Награда Голвека, Французске Физикалне Общество 1968 Заграничный член Данской Академии Наук и Литературы 1970 Честный член Америцкой Академии Умѣня и Наук 1971 Заграничный член Академии Наук СССР; Награда Морриса Либманна, Инштитут Електроникы и Електротехникы; Медаля Фарадея, Инштитут Електротехникы; Медаля Попова, Академия Наук СССР; Медаля Микелсона, Франклиновскый Инштитут, США 1973 Кральовска Медаля, Лондонске кральовске общество 1974 Медаля Брюса, Тихоокеанске Астрономичне Общество, США; Заграничный член Нѣмецкой Академии природознательох
Жерела и одказы Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. . Sir Martin Ryle — Facts. //NobelPrize.org. Nobel Media AB 2018. Tue. 25 Sep 2018. Nobel-winners: Sir Martin Ryle. //Nobel-winners.com. Одчитане 25. септ. 2018
Референции
Катеґорія:Нобеловы лавреаты з физикы Катеґорія:Астрономы