Влади́мир Хы́ляк, псевдонимы: Іеронимъ Анонимъ, В. Неляхъ, Я Самъ, Лемко Семко, Нѣкій, Quidam, (*27. юл 1843, Верхомля Велька, Австро-Мадярщина, дн. Малопольске воеводство, Польща — †13. юн 1893, Литыня, Австро-Мадярщина, дн. Львовска область, Украина) — русинскый писатель, етнограф, грекокатолицкый священик.Магочій П.Р., Поп І., с. 786.
Биография Родив ся до фамилии грекокатолицкого священика Игнатия Хыляка и Ефрозины Парилович яко семый, наймолодшый дѣтвак. Мати му умерла, коли мав два рочкы и воспитовав го отець, а дав му и зачаточне домашне образованя. По закончѣню народной школы в селѣ, абсолвовав шѣстьрочну прогимназию в Новом Сончи, а 7-му и 8-му класы учив ся на высшой грекокатолицкой гимназии в Пряшовѣ, де и матуровав. Теологичне образованя зыскав на богословской факултѣ во Львовѣ и на епархиалной семинарии в Перемышлю. По штудиях оженив ся з Анельов Дуркотовов, дѣвков пароха в Избах, зоз котров мали восьмеро дѣтей.Левицкій, Иван Ем.
Высвячѣня прияв в року 1866 и служив в приселку Долины при Шимбарку (1866-1868), Избах (1868-1870), Бортному (1870-1892). Закончив службу в Литыни (1892-1893), де и погребеный.
Творба Свои повѣсти и повѣдкы од зачатку публиковав в периодиках:Евгеній Фенцикъ (ред.): Галицкая Русь понесла невыполнимую утрату... в Словѣ — повѣсть Польскій патріота (1872) — повѣсть Влеченіе сердець (1874) — повѣсть Шибеничный верхъ (1877) — гумореска Упрямыи старики (1883) — повѣданя Кусокь людской жизни (1884) в Родимом Листку — повѣсть Супружество и четыре факультеты (1879) — повѣдка На св. Андрея (1879) — повѣсть Русская доля (1880) в Новом Проломѣ (1884) — гумореска Почтовый рожокъ во Временнику Ставропигійскаго института (1884) — гумореска Небоженька лучшая была в Бесѣдѣ (1884) — Мой бл. памяти дьяк — гумореска Рыба — гумореска Клара Миличъ — повѣдка По совѣту врача — повѣдка Не только жену, но и тещу выберай — повѣдка Позналъ свою жену — повѣсть Первая любовь — повѣсть Столько и ни за что — Повѣсть на часѣ в Науцѣ — повѣдка Да не пріимеши имене Господа Бога твоего всуе (1888) — повѣдка Послѣдняя чарка не съ руки или семь бѣдъ за лихій обѣдъ (1888) — Щастье не въ грошахъ (1890) — В грѣсѣ и наказаніе (1892) — Не судите, де не судимы будете (1893) Етнографичны дѣла: Свадебныи звычаи у Лемковъ (Литературный Сборникъ, 1871) Юморъ Лемковъ (Родимый Листокъ, 1880) В книжной формѣ вышли Повѣсти и разсказы (4 томы, 1882-1887) и посмертно Послѣднія произведенія В. И. Хиляка (1894).
Дѣла, доступны на вебу Шибеничный верхъ. // Іеронимъ Анонимъ. Повѣсти и рассказы. Томъ І. Львовъ: Изданіе «Академическаго кружка», 1882. (оригинал) Шыбеничний верх. Перевыданя. Gorlice – Kraków: «Руска Бурса», 2013. (на лемківскі літературни мові) Повісти і оповіданя - Том ІІ. Перевыданя. Ґорлиці – Краків: «Руска Бурса», 2014. (на лемківскі літературни мові)
Жерела и одказы Ваврик В. Р. Краткий очерк галицко-русской письменности. Лувен, 1973. Володимир Кубійович (гол. ред.) Енциклопедія українознавства, Paris — New York, 1980. Том 9, с. 3588. Левицкій, Иван Ем.: ІЕРОНИМЪ АНОНИМЪ [ВЛАДИМІРЪ ИГНАТЬЕВИЧЪ ХИЛЯКЪ]. Біографическій очеркь.// Іеронимъ Анонимъ. Повѣсти и рассказы. Томъ І. Львовъ: Изданіе «Академическаго кружка», 1882. Сс. 292-296. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. . Евгеній Фенцикъ (ред.): Галицкая Русь понесла невыполнимую утрату... //Листокъ. Нръ 15. Унгваръ. 1. августа 1893. Сс. 167-168.
Референции
Катеґорія:Русиньскы писателї Катеґорія:Писателе 19. стороча