Синевир — озеро в Закарпатской области Украины. Плоха 0,07 км2, глубина до 24 м. Лежить в Горганах в котлинѣ, котря ся вытворила горскым ссувом.Украинский советский энциклопедический словарь, том 3, с. 189.
Живый свѣт озера В озерѣ жиють пстругы, але лапаня заказане.Географічна енциклопедія України, том 3, с. 181. Озеро окружене смерековыма лѣсами, приступаючыма ку самому берегу.
Пстругы Синевирского озера суть шпециалного подвида, котрый ся одличуе од рѣчковых пстругох скоршым ростом и векшов плодностьов. В року 1954 областна новинка писала, же тот подвид пструга надзвычайно цѣнный про племенне пестованя.Анучин В. А. География..., сс. 60-61.
Од року 2004 озеро под числом 1400 записано до списка храненых мокрин Ramsar яко Народный Парк Синевир. В регистрачном опису меджи храненыма видами зазначеный племенитый рак Astacus astacus и флора, котра е хранена подля Червеной книгы Украины.Lake Synevyr.
Туристика Главный вызнам озеро мать яко туристичный объект. Синевир — едине в области озеро односно великого розмѣра, его плоха около 7 га, середня глубина 15 м.Советское Закарпатье, с 16.
В року 1924 добрый знатель Подкарпатской Руси др. Йиржи Крал, пише о озерѣ Ozero во вышцѣ 989 м под горов Ozirňou (1500 м), нияк не споминаючи о его туристичном вызнамѣ. Под назвов Sinivir споминать лем село.Dr. Jiří Král. Podkarpatská Rus, сс. 16, 95.
В року 1956 совѣтска география познавала озеро под назвов Синевирске озеро, циже озеро, котре находить ся при с.н.п.с.н.п. — сельскый населеный пункт. Синевир.Анучин В. А. География..., с. 294.
Од конця 1950-х озеро, по выставбѣ доброй дорогы и пансионата, ставать ся атрактивным туристичным объектом. Про туристох додавали новы а новы службы и объекты, была выгадана примитивна легенда о взнику озера, выготовлены деревяны рѣзбы, зображуючы поставы Синѣ и Вира, «геройох» той легенды. Туристика давать заробок многым мѣстным обывателям. Назва Синевир в сучасности вяже ся з озером, а не з селом, як то было колись.Озеро Синевир на сайтѣ туристичного клуба Украины. Туристичный объект Siněvirské jezero барз популарный и у чешскых туристох.Siněvirské jezero на сайтѣ Duše Karpat.
Жерела и одказы Dr. Jiří Král. Podkarpatská Rus. V Praze, nákladem vlastním, 1924. Анучин В. А. География Советского Закарпатья. — Москва: Гос. изд. географической литературы, 1956. 296 с. Географічна енциклопедія України: в 3 т / Редкол.: А. М. Маринич и др. — К.: Українська радянська енциклопедія, 1993. — Т. 3: П—Я. — С. 181. — 480 с. — Советское Закарпатье. Справочник-путеводитель. Ред. Свереняк М. В. — Ужгород: Карпаты, 1968. Изд. четвертое. Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. Lake Synevyr. //Ramsar Sites Information Service.
Референции
Фотогалерия
Катеґорія:Озера Катеґорія:Озера в Украинѣ