Аркада, arcus 'облук' — в архитектурѣ ряд облукох, опертых на колоны. Аркады держать стѣну, стрѣху або склепѣту, омного тяжшу, як бы то могла выдержати безоблукова конштрукция (архитрав). Ку аркадам односять ся и облуковы портикы, галереи або переходы, з едной або двох сторон оддѣлены колонами.Koch W., с. 429.
Аркады суть выгодны зато, же економлять стѣновый материал не зменшуючи носность стѣны, з другой стороны суть барз декоративным елементом.Révai nagy lexikona, том 2, сс. 81-82.
Типы аркад Аркады, як и колонады можуть быти внуторны, вонковы и самостойны.
Найчастѣйше аркады стрѣчають ся во формѣ отвореных галерей.https://archi.ru/terms/term_a.htm#Аркада
История Первый раз римске ставбарство подало примѣр своима величезныма водоводами або акведуками.Адамчик М., с. 20.Ottův slovník naučný, том 2, сс 733-734. Позднѣше появили ся монументалны римскы ставбы, де аркады были представлены в гигантичных розмѣрах и в двох або трьох рядах една понад другу. Примѣр великых аркадовых стѣн указуе Колизей.
В ранном середновѣку облукы аркад мали форму правилного круга (романскый штил), в зрѣлом середновѣку их заступують стрѣлчасты готичны облукы.Грубе Г.-Р., Кучмар А., сс. 166-167.
Але правдивый золотый вѣк аркад наставать аж в добѣ Ренесанции.
В середновѣку аркадны галереи подагде стали ся так популарны, же фасадны стѣны вздовж цѣлой улицѣ мали такы галереи, што было барз выгодне про сполоченскый живот, понеже створьовало затишны затѣнены и од уличного руха одокремены переходы. Такы улицѣ мож видѣти в Бернѣ и Болоньи.
Елегантны, легкы, роскошныма полихромныма украсами декорованы аркады вытворили Арабы (Алгамбра).
Жерела и одказы Koch W. Evropská architektura. Praha: Universum, 2008. Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Адамчик М. Архитектура. Краткий справочник. Минск: Харвест, 2004. — 624 с. . Грубе Г.-Р., Кучмар А. Путеводитель по архитектурным формам. 2-е изд. Москва: Стройиздат, 2003. 216 с. Аркада. //Архитектура: термины
Референции
Катеґорія:Архитектурны елементы