Йоанн Полянскый, Jan Polański (*20. януара 1888, Баниця, Австро-Мадярщина — †6. септембра 1978, Роги (Ополске воеводство), Польща) быв лемковскый народный активиста, священник Грекокатолицкой Церкви, поет, историк и мемуариста.
Молоды рокы Од родительох, Теодора и Марии Полянскых, достав имя Йоанн, понеже родив ся дораз по святѣ Йордану. Быв пятов дѣтинов при братови Митрови и трьох сестрах.Трохановскій, Петро.
До школы ходив в повѣтовом мѣстѣ Горлицѣ, жив в чужом домѣ, далеко од родительох, але в науцѣ быв такый добрый, же двѣ первы класы закончив за еден рок. Третю и четверту класу уже выходив в Новом Санчу, де отворив ся интернат про дѣти з худобных родин, а по тому склав екзамен на гимназию в Саноку.
В року 1911 закончив саноцку гимназиюАбсолвенты гимназии. Одчитане: 2016-03-23.XXX. Sprawozdanie Dyrektora c.k. Gimnazyum w Sanoku za rok szkolny 1910/11. Fundusz Naukowy, Sanok, 1911. и записав ся на науку теологии на Универзиту Яна Казимира во Львовѣ. Скоро по зачатку Первой свѣтовой войны, быв арештованый за свою «русскость» и одосланый до Талергофу, одкы го по пару мѣсяцьох мобилизовали до войска.Магочій П.Р., Поп І. (уклад.), с. 604. В дорозѣ на восточный фронт во Львовѣ «стратив ся» од свого регимента, забеспечив ся у духовных власти в осправедливлѣня и вернув ся до теологичной наукы. По закончѣню богословской факулты, 19. децембра 1916 быв высвяченый в Старом Самборѣ епископом Станиславовской диецезии Григорием Хомишином, в целибату.Akta osobowe ks. J. Polańskiego.
Священнича служба В роках 1916-1918 служив викарьом в Тулиголовах, пак в Смолнику за 16 рокы: викарием (1918-1922) и парохом (1922-1935).
В року 1935 быв менованый канцлером и референтом Курии новоствореной Апостолской Администрации Лемковины (ААЛ) зоз сѣдлиском в Римановѣ. Од януара 1936 быв и парохом Врублика Крулевского, котрый лежить в сосѣдствѣ. В марцу-юлию того ж року, по наглой смерти Администратора ААЛ Василя Масцюха, дочасно повнив тоту функцию.Шематизм греко-католицького духовенства апостольської Адміністрації Лемківщини, с. XVI, 163.
Выступовав против ширѣня украинского руху межи Русинами, зашто в часѣ нацистичной окупации быв веце раз молестованый гестапом, наконець быв арештованый и интернованый в лаграх Ясло и Келце (1941-1945). З лагра выслободив ся в марцу 1945 и вернув ся до Врублика Крулевского. Але служив там лем даколько мѣсяци, а быв посланый за викаря до Чирной на Лемковинѣ. В концю рока 1945 од примаса Августа Глонда зыскав право одправляти богослужбу в латинском обрядѣ и од януара 1946 служив в розличных локалитах римокатолицкой Вроцлавской Апостолской Администрации. Одколи до Шлезии были переселены выгнанцѣ з Лемковины, зачав про них служити и в восточном обрядѣ. За то быв перенесеный до ополской диецезии, в цѣлком польске окружѣня, де быв викарьом в трьох фарностях, а од року 1953 викарьом, а пак фарарьом в Рогах в повѣтѣ Немодлин, де зоставав до конця живота.
Народностна робота на выгнаню По року 1957 о. Йоанн Полянскый, перебываючый в одорваню од лемковского сполоченства, активизовав ся в народностной роботѣ. Контактовав з лемковсков диаспоров, организовав зобраня депортованых в операции Висла. Написав Историю Лемковины, котру опубликовав в США в року 1969 под псевдонимом И. Ф. Лемкин. Написав тыж по польскы мемуары Ostatnia spowiedź kapłana и Ciernista droga kapłana.
Жерела и одказы Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. . Трохановскій, Петро. Священник інчий од інчых. //Лемківскій календар 1998. Стоваришыня Лемків. Крениця — Ліґниця. 1998. Archiwum Państwowe w Przemyślu, Administracja Apostolska Łemkowszczyny, sygn. 110: Akta osobowe ks. J. Polańskiego. J. Polański, Ciernista droga kapłana, Rogi Niemodlińskie 1972 (машинопис). Google Play: И Ф. Лемкин. История Лемковины. И Ф. Лемкин. История Лемковины. Free download (pdf)
Референции
Катеґорія:Русиньскы церьковны дїятелї Катеґорія:Русиньскы історіци Катеґорія:Апостолска Администрация Лемковины