«Република Конґо» и «Конґо» ведут сюды. Инші значеня мож найти на Конґо (чеперушка).
Републіка Конґо (), вадь Конґо-Браззавіль є держава на западному березі Середньой Африкы. Граничит из Ґабоном, Камеруном, Середньоафрицьков републиков, Демократічнов републіков Конґо, Кабіндов (ексклавом Анґолы) тай Атлантичным океаном.
Племена банту зачали доміновати в реґіоні не пуздніше ги 3 тыс. рокув назад. Теріторія теперішньої републикы была колонізована Франційов на кунцьови XIX. столітя и пак была частьов колонії Екваторіална Африка. Окремішня Републіка Конґо ся появила в 1958. році и стала ся независимов в 1960. році. В період 1969-1992 была державов марксістьско-леніньской ідеолоґії пуд назвов Людова републіка Конґо. У політичнуй системі домінує презідент Дені Сассу-Нґессо, котрый ся дустав власти в 1979. році. Економіка републікы силно зависит уд выробы сырої нафты.
Катеґорія:Країны