Винцент Шерцл (* :28. септембер 1843, Бероун, Австрийска империя — †4. децембер 1906, Любляна, Австро-Мадярщина) — чешскый и российскый лингвиста и полиглот, професор поровнателного языкознательства на Харьковской и Новороссийской универзитах.
Биография Родив ся в Бероунѣ (1843), а в Празѣ выштудовав гимназию и правничу факулту Карловой универзиты (1865). Але найвеце интересовали го языкы, котрым оддавав вшиток вольный час. В року 1866 быв скушаный пражскыма языкознателями, а так зачудовав их своима зналостями, же подля их рекомендаций ишов до :Лондона на далшы штудии. Там достав роботу в Британском музею.Prof. dr. Čeněk Šercl. //Zlatá Praha. 1 1888, roč. 5, čís. 7, s. 107. Доступне онлайн. В Лондонѣ штудировав китайскый язык,Энциклопедический словарь Брокгауза и Ефрона. а в конци року выѣхав до России. Ту зачав як учитель сынох началника мѣстской самоуправы Петербурга пана Быкова, а при том достав можность три мѣсяцѣ побыти в Финландии, навщѣвити сѣвер России, а штудовати языкы тамошных народох. Мав тыж можность на русской торговой шифѣ накурто вернути ся до :Лондона, а там побрав ся зо своев милов паннов Бриттоновов, котру познав еще за свого первого побыту, а так вернув ся до Петербурга уж зоз женов.Čeněk Šercl. Světozor. 6 1869, roč. 3, čís. 23, s. 187 - 188 (докончѣня). Доступне онлайн. В С.-Петербургу од року 1867 штудировав санскрит; в року 1869 з дизертачнов роботов «Особны мѣстоназывникы в санскритѣ» добыв ступень магистра и быв выбраный на Харьковской универзитѣ за доцента поровнателного языкознательства. В року 1870, яко 27-рочный,[http://archiv.ucl.cas.cz/index.php?path=HumL/22.1880/38/298.png Ústav pro českou literaturu AV ČR, v. v. i. Digitalizovaný archiv časopisů. Humoristické listy Ročník 22/1880, číslo 38, strana 298. ] обгаив ступень доктора на Московской универзитѣ з дизертациев «Числовникы в индоевропскых языках» и быв менованый професором поровнателного языкознательства на Харьковской универзитѣ, а од року 1885 — на Новороссийской универзитѣ. В року 1886 быв з лингвистичныма выгледованями на Крымѣ.
В Харьковѣ учив 16 рокы, в Одессѣ — 12. Мав титулу штатного радника (статский совѣтник ). Нескорше ся з родинов (мали едну дѣвочку) перебрав до Граца, а наконець зо здоровелных доводох до Любляны, де собѣ освоив послѣдный язык — словинскый, а де жив до конця живота.Český Mezzofanti, prof. Čeněk Šercl zemřel. Národní listy, 6.12.1906, s. 2. Доступно онлайн (djvu).
Научны роботы Главны роботы подля енциклопедии Брокгауза и Ефрона: "Сравнительная грамматика славянских и других родственных языков" (1 часть, Харьков, 1871; 2 часть, 1873); "Краткий изборник текстов на славянских языках" (ib., 1872); "Санскритская грамматика" (ib., 1873); "Синтаксис древнеиндийского языка" (ib., 1883); "О словах с противоположными значениями" ("Филологические записки", 1884); "Названия цветов и символическое значение их" ("Филологические записки", 1884); "О конкретности в языках" (ib., 1885); "Начала религии и следы монотеизма в язычестве" ("Православное Обозрение", 1884); "Очерки из области фонетики" ("Филологические записки", 1886); "Основные элементы языка и начала его развития" (ib., 1886 - 1889); "Z oboru jazykozpytu" (Прага, 1883); (З округа языкознательства) "Mluvnice jazykа ruského" (ib., 1882); (Граматика русского языка) "Skladba jazyka ruského" (ib., 1884); (Синтаксис русского языка) "Ze života dřevních Indů" (ib., 1889); (З живота стародавных Индийцьох) и др.
Жерела и одказы Čeněk Šercl. Světozor. 5 1869, roč. 3, čís. 21, s. 175 - 176 (зачаток). Доступне онлайн. Čeněk Šercl. Světozor. 6 1869, roč. 3, čís. 23, s. 187 - 188 (докончѣня). Доступне онлайн. Prof. dr. Čeněk Šercl. //Zlatá Praha. 1 1888, roč. 5, čís. 7, s. 107. Доступне онлайн. Шерцль, Викентий Иванович. //Энциклопедический словарь Брокгауза и Ефрона, т. XXXIXa (1903): Шенье — Шуйский монастырь, с. 529; доп. т. IIa (1907): Пруссия — Фома. Россия, с. 883. Доступне онлайн.
Референции
Катеґорія:Лингвисты