Битва под Рацлавицями — збройне зражѣня польского войска под веденьом Тадеуша Косцюшкы и российского войска под веденьом генерал-майора Александра Тормасова. Битва стала ся 4. апрѣля 1794 в часѣ Косцюшковской ребелии под селом Рацлавицѣ, што лежить около 30 км на сѣверовосток од Кракова.
Подѣи перед битвов В року 1793 зостала Польща по другый раз роздѣлена. Патриоты на емиграции и в краю готовили повстаня. 24. марца 1794 в Краковѣ Косцюшко зложив присягу перед народом и прияв веденя повстаня яко Найвысшый Велитель Народных Збройных Сил.
Рано в день битвы коло Рацлавиць польскы оддѣлы были спозорованы козацков предстражов.
Битва Генерал Тормасов пересягаючыма силами атаковав польске войско з фронта. Русскы вояци наступали традичным стисклым мушкетовым фронтом: плече ку плечови, в даколько рядах. Такый строй застачав густоту и неперерывность пальбы, але не давав маневровати. Косцюшко, участник Америцкой войны за независимость (1775—1783), научив ся выспѣлѣйшу военну тактику, котру поужив на полю боя: Поляци стрѣляли зза природных укрыть, выхосновавши выгоды рельефа. Оддѣлы косашох под особным веденьом Косцюшка, тым часом, неспозоровано обышли русскый оддѣл и проникли ему в тыл. В резултате успѣшной и блисковой атакы косашѣ заяли вшиткы русскы каноны и примусили русске войско на утѣк. Але силы Косцюшковы были послабы, обы преслѣдовати Тормасова, и русске войско по поражцѣ дале зостало активным в Малопольском воеводствѣ.
Вызнам битвы Побѣда под Рацлавицами была лем тактичным успѣхом, але подняла моралный дух повстаня, ку нему прилучили ся новы области: векшина польских земель, Литва и Курландия. Побѣда стала ся сигналом ку Варшавскому повстаню, што змусило русске войско лишити главне мѣсто Польщи 17. апрѣля 1794.
Жерела и одказы J. Lubicz-Pachoński, Bitwa pod Racławicami, Warszawa-Kraków 1984. Сайт музея-панорамы «Рацлавицка битва»
Референции
Рацлавицѣ