Шунд-литература, або курто шунд (нѣм. Schundliteratur) — род литературы, назначеный широкому кругу читателей, обминаючый глубокы темы, идеи, не жадаючый од читателя усилованя интеллекта, ориентованый лем на забаву.
Етимология До русинского языка слово пришло з южнославянскых, котры го мають з нѣмецкого. Буквално нѣмецке слово Schund означать: смѣтя, нич не варта робота.
Характерны знакы Часто ку шунду мож однести любовну литературу, детектив, гумористичну литературу и даякы другы жанры. Шунд представлять массову културу, ориентуе ся на коньюктуру, моду, низкый смак и невыбагливость читателя. Роспознати шунд мож и подля великой скорости з котров ся пише, массовости публикаций и долученой докучливой рекламѣ.
Шунд в подкарпатской литературѣ В едиции Дешева библіотека в 1920-х роках Антоний Бобульскый на жаданя властника выдавательства Юлия Фелдешия написав 20 повѣдань. Выдаватель не таив, же е то шунд-литература.
Жерела и одказы Међеши Х., Тимко-Ђитко О., Фејса М. Русинско-српски речник. Завод за културу војвођанских русина. Нови Сад, 2010. С. 854. Шунд-литература чеш.
Референции
Катеґорія:Література