Карел Чапек (Karel Čapek) 9. януар 1890, Малы Сватоневицѣ, окрес Трутнов — 25. децембер 1938, Прага — еден из найславнѣйшых чешскых писателей XX вѣка, прозаик и драматург, фантаст.
Биография Карел Чапек родив ся в фамилии дохтора Антонина Чапка и Божены Чапковой. Вшиткы трое дѣти з той родины стали ся писателями. Карел покрещеный быв в ремеселном варошику Упиця, де перебрали ся про дохторску практику отця, и де дѣтвак мог выходити закладну школу. Гимназию студовав в Градцю Кральовой и закончив пак в Брнѣ. Року 1915 зыскав бакалаврат з филозофии на Карловой универзитѣ в Празѣ. В литературу вступив року 1916. Од року 1917 — новинарь и критик, а од року 1921 аж до смерти — редактор пражскых Народных Новинок (Lidové noviny). Року 1920 сприятелив ся з Олгов Шайнпфлуговов, писательков и артистков, своев будучов женов. В роках 1932–1938 быв сѣм раз номинантом Нобеловой награды з литературы.Ve hře o Nobelovu cenu byli i Březina a Machar, 13. 10. 2005, Novinky.czA.Fetters - Malý slovník regionálních autorů, str. 8, https://web.archive.org/web/20160914194029/http://svkhk.cz/Pro-knihovny/Zpravodaj-U-nas/Clanek.aspx?id=20120438Karel Čapek a Nobelova cena. Lidové noviny. 1939-02-02. Ročník 47, číslo 59, s. 7. Про то, же быв слабого здравля, передчасно умер на запал плюц.
Творба Писати зачав въедно з братом Йозефом,и выдали зберьку Ясны глубины (Zářivé hlubiny, 1916), дале З житя мушкарнѣ (Ze života hmyzu, 1921), Адам Сотворитель (Adam stvořitel, 1927).
Иншы книгы, напримѣр Застараный загородник (Zahradníkův rok, 1929), Як ся то робить (Jak se co dělá, 1938), иллустровав Йозеф Чапек.
Карел Чапек е автор познатых пьес Дѣло Макропулос (Věc Makropulos, 1922), Мати (Matka, 1938), R.U.R (Rossumovi Univerzální Roboti, 1920), романов Фабрика на абсолутно (Továrna na absolutno, 1922), Кракатит (Krakatit, 1922), Гордубал (Hordubal, 1933), Метеор (Povětroň, 1934), Обычайный живот (Obyčejný život, 1934; послѣдны три творять «философску» трилогию, Война з саламандрами (Válka s mloky, 1936), Перва парта (První parta, 1937), Житя и творба композитора Фолтина (Život a dílo skladatele Foltýna, 1939, не законченый), а тыж множества повѣдань, ессейов, фельетонов, казок, начерков и путевых записок. Товмач сочасной французской поезии.
Авторство слова робот, котрое ся з пьесы R.U.R. розширило по свѣтѣ, приписуе ся его брату ЙозефуKarel Čapek, Lidové noviny, 24. prosince 1933, котрый му тото слово порадив. Слово робот славянске, появило ся од глагола robotovat, что в чешчинѣ означать; тяжко робити.
Слѣд Подкарпатской Руси В Балладѣ о Юрѣ Чупови, что е в Повѣдках з другой кешенѣ (1929) Руснак Юра Чуп забье свою властну сестру. Авшак не тот криминалный припад е в центрѣ увагы автора, але характер верховинця, побожность, психология и менталность, котра про чешского жандаря непостижима.
Роман Гордубал (1933) основаный на реалном припадѣ, коли валалчан Гордубал по даколькох рокох вернув ся дому на Подкарпатску Русь и быв забитый своев женов и ей миленцьом. Автор, як и в первом припадѣ кладе звѣданя: ци маме вообще право ту судити и справедливо посудити?
Подкарпатска Русь в представѣ Карла Чапка вызерать як заосталый край, населеный побожными людьми, котрых але тота побожность не заставить перед криминалным чином. Иншы чешскы авторы, котры писали о Подкарпатской Руси з властного знатя, добытого довгым часом перебываня в том краю, напримѣр Иван Олбрахт, судили цѣлком иншак.
Почестованя Карел Чапек носитель Ордена Т. Г. Масарика (in memoriam, 1995). Улиця Братов Чапков (Bratří Čapků) в Празѣ на Виноградах. Закладна школа Карла Чапка, Коданьска 16 в Празѣ-10. Закладна школа Братов Чапков в Упици. Гимназия Карла Чапка в Добжиши, окрес Пшибрам. Експресс Карел Чапек на линии Мюнхен–Прага–Мюнхен.
Одказы Твори Чапека в бібліотеці Чтиво (укр.)
Референции
Катеґорія:Чешскы писателе Катеґорія:Писателе 20. стороча